اغلاق

فتاة من المثلث: امي فرقت بيننا !!

مرحبا انا بنت من المثلث عمري 20 سنة ، فكرت كثير قبل ما اكتب رسالتي واوجهها هون ، بس جد الحيرة والوضع الي،


الصورة للتوضيح فقط

انا فيه خلاني الجأ للكتابة عبر هالزاوية افضفض فيها عن روحي المخنوقة ..
طبعاً الواحد ما بيتوقع انه يكون شخص من هالاشخاص الي بينشروا قصصهم ويمكن بالنسبة للغير هاي القصص عادية ومش لازم يوصلوا بانهم ينشروها هون ! بس لوهلة بتبدل الحال ويمكن تصير انت معك هالقصة ، لذلك كل واحد فينا مش لازم يشمت بقصة غيره ويراعي المشاعر ويحط حاله محل هالاشخاص لانه لو انه درجة المعاناة مش شديدة وصعبة عليهم ما بتصل فيهم الحاجة انهم ينشروا مشاعرهم ومشاكلهم هون ! يمكن هم مش محتاجين مساعدة بس بدهم يفضفضوا ويحكوا محتاجين يشكو ويبكو ويعبروا عن كلشي حاسين فيه !

قال كنت فكر ..أنو خلص .. انا لألك و انت لألي .. لطول العمر ..
ظلك معي .. ظلك بقلبي .. بس الشي الوحيد يلي ما كنت متوقعته انو هيك يصير فينا .. البعد يفرقنا... قصة مبنا يمحيها ..
ما طلع حظنا قوي لنتغلب على البعد يلي بيناتنا .. او يمكن معقول ما طلع حبنا قوي ؟؟ ، بس انا كنت حبك كتير و انت كمان تحبني كتير .. لي هيك صار فينا .. كل واحد راح بطريق ؟؟ ، معقول القدر هيك بدوو ؟؟ معقول ما بدو يجمعني مع يلي بحبو ؟؟، كنا روح وحدة ما نفارق بعض حتى لو اختلفنا ما قدرنا نبعد عن بعض ، حبيته اكثر من حالي وما كنت مبسوطة غير بوجوده ومعه،حبينا بعض وتحدينا المشاكل ،حبيته هو وشخصيته حتى عصبيته !! كنا نحكي كثير ما نفارق بعض للحظة حتى ونا معه كنت اشتاقله، الحب اكبر من انه اوصفه بالكلمات وقد ما احكي ما بقدر اوصف نقطة من بحر الحب الحقيقي والشعور الحلو الي بنحسه وقت بجمعنا القدر فيه !.
لحد ما اجا اليوم الي امي عارضت فيه هالعلاقة وما بدها اياها ! عارضتها وبقوّة وحكت مستحيل نكون لبعض ! ورغم هيك ما ابعدت وظلينا هي كانت معارضة ومستحيل لسبب انه هو بعيد عنا ومش من بلدي ـ ظلت تيئس فييّ واتصلت فيه وحكتلو يبعد عني وانه مش ترضى بهيك اشي يصير وفش امل من الي بنعمل فيه !، ومع هيك كملنا ،كملنا بشي فش منه امل بس الحب اقوى من كلشي ومو عارفين نعيش بلا بعض ! انا وهو بعد ما اتعلقنا ببعض هالقد معقول يكون كلشي عالفاضي!
طب كيف بدنا نكمل وهو فش امل!  كيف بدنا نكمل واحنا عارفين انه مستحيل نكون لبعض!، منعتني عنه وهددتني ، وخيرتني بينهم وانها مش رح تتعرف عليي اذا اخترته هو ، وما تسال عني وما بهمها امري حتى!، حطتني بموقف صعب! هي امي وهو روحي !.
امي لو كانت معاملتها مو مليحة معي يمكن افهم انها دايما معارضتني وهيك هيك ما بهمني بس هي امي غالية ع قلبي اغلى من روحي وهي اكثر من اخت! وهو الروح الي عايشة عشانها ، خلاني اعرف الحب ع ايديه وما حسيت بطعم السعادة غير معه حبيته بجنون ! ، وما بدي اياه يتاذى ولا تصيرله مشاكل ولا نضل ع الفاضي بالاخر نصحى على حقيقة بشعة كثير !، ومش قادرة استوعب انه خلص انتهينا وراح كل واحد بطريق بدون ما نختلف وهو لسا جواتنا حب كبير بس لانه انفرض علينا هيك واقع مرير وكثير بشع الشعور!، انا بحبك كثير يا اغلى من روحي وسامحني مو بايدي ويا رب يجمعني فيك لو كان الي نصيب فيك ومعك رح اخذك ، دير بالك عحالك يا "أنا" ، بحبك تشثير يا قلبي يا الله يسعدك ويحميك ويجمعني فيك يا روحي بحبك والله !.
اسفة اني طولت عليكم , والسلام ..

تواجهون في حياتكم مشكلة اسرية ، زوجية ، عاطفية ، اجتماعية او غيرها ؟ تبحثون عن حل ؟ حائرون وبحاجة الى مساعدة ؟ .. يمكنكم ان تطرحوا مشكلتكم ليشارككم في حلها متصفحو موقع بانيت ، من خلال هذه الزاوية - " قلوب حائرة " .كل ما عليكم ان تفعلوه هو ان تبعثوا بمشكلتكم الى العنوان التالي :panet@panet.co.il .

لمزيد من مشاكل وقلوب حائرة اضغط هنا


 


استعمال المضامين بموجب بند 27 أ لقانون الحقوق الأدبية لسنة 2007، يرجى ارسال ملاحظات لـ panet@panet.co.il

لمزيد من قلوب حائرة اضغط هنا
هذه الاعلانات قد تهمك
قلوب حائرة
اغلاق