اغلاق

فتاة 26 عاما : هل اكمل مع خطيبي ام لا ؟ انصحوني

مرحبا، انا صبية عمري 26 سنة من بلاد الله الواسعة، حابة احكي قصتي واسمع حلول، انا صبية عايشة حياة جدا عادية، حبيت انسان واللي هو اسا خطيبي 5 سنوات،


الصورة للتوضيح فقط

قبل ما نخطب كان ولا في اروع منو، ما كان يبخل عليي، وكان انسان روعة معاملة وكل شي، اجا طلبني وصار النصيب، بعد فترة من الخطبة صرت اشوف واسمع منو حكي غريب، تغير معي كتير، صار يبخل عليي وكتير يرمي حكي انو حياتو بسيطة، وانه ما بقدر يعمل اكتر من هيك، انا كنت دايما احكيلو عن احلامي انا واياه، بس هو كان يفكر انو انا بدي اتكبر عليه وع اهلو.
هو بحب اهلو كتير، لدرجة لما يجي عندي ما برضا يوكل عنا، اذا اكل بصير يحكيلي مو زاكي طبخ امي ازكا، وبضل يحكيلي امي وامي وامي بكل موضوع، انا نصحت شوي فترة الخطبة، وكل ما كانت امو تشوفني تصير تحكيلو عني وهوي ساكت، وهو يجي يحكيلي هيك امي حكت عنك لازم تردي عليها، صار ما يعتني بشكلو وانا كتير حكيتلو بس ما برد، كل حياتو شغل واصحابو واهلو تخيلو لما اهلو اللي بختارو ديكور بيتنا واهلو كتير مقصرين!!
كتير صارت مشاكل بينا ووعدني انو يتغير بس مو قابل يتغير واعطيتو فرص كتيرة بس ما في حل هو هو، وانا جد متحيرة وخايفة من مستقبلي معاه .. مش عارفة اتركو ولا اكمل معاه، محتاجة جوابكم بصراحة.

تواجهون في حياتكم مشكلة اسرية ، زوجية ، عاطفية ، اجتماعية او غيرها ؟ تبحثون عن حل ؟ حائرون وبحاجة الى مساعدة ؟ .. يمكنكم ان تطرحوا مشكلتكم ليشارككم في حلها متصفحو موقع بانيت ، من خلال هذه الزاوية - " قلوب حائرة " .كل ما عليكم ان تفعلوه هو ان تبعثوا بمشكلتكم الى العنوان التالي :panet@panet.co.il .

لمزيد من مشاكل وقلوب حائرة اضغط هنا


استعمال المضامين بموجب بند 27 أ لقانون الحقوق الأدبية لسنة 2007، يرجى ارسال ملاحظات لـ panet@panet.co.il

لمزيد من قلوب حائرة اضغط هنا
هذه الاعلانات قد تهمك
قلوب حائرة
اغلاق