اغلاق

شاب من النقب : رسالة ندم اوجهها الى أغلى انسانة

نحن الشباب ما بعبي عيوننا غير التراب، يعني بتعيش قصة حب مع بنت وتوهمها بحبك لها وزواجكم وهي بتصدقك وبتكون صادقة معك، وفجأة بنتركها وما بنتذكر،


الصورة للتوضيح فقط

قديش عمق الجرح اللي خليناه ، وبنتزوج عروس اختارتها أُمنا او اختنا ، من الاول ليش نستغل بنات الناس؟ بتفكروا البنت اللي اختارتها الك أمك شريفة ! وما حكت مع غيرك وبتكون حبيبتك اللي قبل أحسن منها الف مرة ، حرام عليكم وبعدين راح يصير عندك بنت خاف عليها مشان ما يطلع اللي يجرح بنتنا فالمستقبل ، لما بتعجبك بنت وين ما كان سواء شفتها ماشية بالشارع ولا بمدرسة ولا بجامعة ولا إنترنت اش فيها لو أخذت أمك مشان تشوفها الك ولما تحسها مناسبة تخطبها وتحكي معاها بالحلال ، وكمان شغلة احنا الشباب بنشوف حالنا زي البنات، يعني ودو هالبنت الحلوة ولا اذا كانت كبيرة بيقول لا ودي ياها صغيرة ولا ودي ياها كذا وكذا !! وبالاخر بلاقيها وبعد الزواج بيصير بكتشف أشياء وبيصير يكره هذه الأشياء فيها ، لأنك من الاول ما اخترت ع حسب الدين والاصل ، يعني كل شب بتسلى مع بنات الناس بضمن له حياة غير مريحة ومش زي ما بتمناها ، لأنك اخترت الحرام وتآذي مشاعر بنت اخلصت إلك وكانت محترمة ومحترميتك وتنصحك وصاحبة دين وشرف بنخربها وبنتركها وبنقول هذول كل البنات هيك، وانا اول واحد بعترف بندمي أني ما تقدمت للبنت اللي عجبتني فوراً،  لانها ضاعت مني، بتشعر بقيمة اللي بيدك غير لما يضيع منك!!
وشكرا موقع بانيت.

تواجهون في حياتكم مشكلة اسرية ، زوجية ، عاطفية ، اجتماعية او غيرها ؟ تبحثون عن حل ؟ حائرون وبحاجة الى مساعدة ؟ .. يمكنكم ان تطرحوا مشكلتكم ليشارككم في حلها متصفحو موقع بانيت ، من خلال هذه الزاوية - " قلوب حائرة " .كل ما عليكم ان تفعلوه هو ان تبعثوا بمشكلتكم الى العنوان التالي :panet@panet.co.il .

لمزيد من مشاكل وقلوب حائرة اضغط هنا


استعمال المضامين بموجب بند 27 أ لقانون الحقوق الأدبية لسنة 2007، يرجى ارسال ملاحظات لـ panet@panet.co.il

لمزيد من قلوب حائرة اضغط هنا
هذه الاعلانات قد تهمك
قلوب حائرة
اغلاق