اغلاق

فتاة مخطوبة: محتارة مع خطيبي، فهل من طريقة لتغييره؟

مرحبا زوار موقع بانيت، حابة احكيلكم مشكلتي .. انا بنت مخطوبة من 7 اشهر لشب يكبرني بـ 10 سنين تقريبا، انا بحبه كثير وهو كمان بيحبني، ولكن احيانا اتضايق..


الصورة للتوضيح فقط

من تصرفاته معي، ما بعرف اذا هو بيعمل هيك عن قصد او لاء!!
مشكلتي هي انو خطيبي بيفيق بكير ليروح عالشغل وبيرجع عالبيت بياكل وبيطلع يسهر مع اصحابه وبس يرجع بحكيلي نعسان وبدي نام، وبنهاية الاسبوع بيضل مع اصحابه وبيسهروا لوقت متأخر وبينام بدون ما نحكي، وحاولت افتح الموضوع معه بيحكيلي بدك ياني ما روح اشتغل ونضل نحكي، وكمان هو كان خاطب من قبل وترك مشان هاد السبب!!
وكمان خطيبي ما بيحكيلي انو بدو يجي يزورني بيمرق شي اسبوع ونحنا مو شايفين بعض، ولما يجي بضل يحكيلي نعسان وتعبان وما بيحكي غير هيك، هو بيحكيلي انو ما بحب يحكي كثير لهيك ما بيحكي، واذا هيك بشي يوم ما سهر لوقت متأخر مع اصحابه بنحكي مكالمة وبنقضيها ساكتين ما بنحكي شي وبينام والخط لسا مفتوح، بدي اتساعدوني ما بعرف هاد اسمو حب؟! هيك الخطوبة؟! رح يضل هيك بعد ما نتزوج؟! واذا في طريقة اللي رح تساعدني لاغير تصرفات خطيبي او يمكن خطيبي يكون طفش مني وما بيحب يحاكيني، احيانا بحسو بيعمل هيك ليكون ثقيل، بس والله ثقالتو هاد دمرتني، عم اعشقه اكتر .. ساعدوني كيف بقدر صارحه بالموضوع بدون ما نتقاتل ويصير معنا متل ما صار مع خطيبته السابقة، مع العلم هو دايما يحكيلي بحبك واحيانا بفكر انو عنجد بحبني واحيانا لاء، ساعدوني بدون تعليق ما اله لازم، ورجاء ما تعملوا دردشة بالتعقيبات واللي في عندو نصيحة يساعدني.


تواجهون في حياتكم مشكلة اسرية ، زوجية ، عاطفية ، اجتماعية او غيرها ؟ تبحثون عن حل ؟ حائرون وبحاجة الى مساعدة ؟ .. يمكنكم ان تطرحوا مشكلتكم ليشارككم في حلها متصفحو موقع بانيت ، من خلال هذه الزاوية - " قلوب حائرة " .كل ما عليكم ان تفعلوه هو ان تبعثوا بمشكلتكم الى العنوان التالي :panet@panet.co.il .

لمزيد من مشاكل وقلوب حائرة اضغط هنا


استعمال المضامين بموجب بند 27 أ لقانون الحقوق الأدبية لسنة 2007، يرجى ارسال ملاحظات لـ panet@panet.co.il

لمزيد من قلوب حائرة اضغط هنا
هذه الاعلانات قد تهمك
قلوب حائرة
اغلاق