اغلاق

كلْمِة أُمّي وِسْعِ الدِّني .. بقلم : أسماء طنوس من المكر

يا اللّي وضعْتِ القلبِ في مَوضِع أَمين --- وكُنْتِ مَدى الأَيّامِ شَمْعَـة منَـوَّرَة


اسماء طنوس - المكر
 

بيني وبينِك حُـبّ  بيزَوِّدْنـي حَنيـن   ---   بِتْظّلّي مَوجودِة يا زهـرَة معَطَّـرَة
أَنْفاسُـكِ الحُلْـوَة بَعْـدَا في أَنفاسـي   ---   بتبقي الصّديقة يا أُمّي واهلي وناسي
وإِسمِك على لساني دوم لَوْ تِعِب راسي
                      ___________________________
كِلمِة يا أُمّي وِسْعُهـا  وِسْـعِ الدِّنـي   ---   إِسمِك حَوَى كُلَّ المعانـي ٱخْتَصَرَا
يوم الل بغَنّيلِـك عَـم شوفُـه هَنـي   ---   وأرضي مِثِل جَنّاتِ فيـكِ مزَهَّـرَة
يا الل إِسمُها المحفـور  عَقَلبـي حَفِر   ---   يا اللّي بإِيديها ضَمَّتْني على  الصَّدِر
يا قَلبَهـا الواسِـع  تِعَـوَّد  عَالصَّبِـر
                      ___________________________
كُل ما طَـلّ النهـار بِتْطُلّـي مَعـو   ---   مِتْعَـوِّدَة تقومـي  الصُّبِح مبَكَّـرَة
بلاقي عيونِـك فِـيَّ عَـم يِتْطَلَّعـوا   ---   بنَجمِة صباح الل فيها  أُمّـي بَذْكُرا
كُل ما وجهِـك طَـلَّ حِليلـي النّهار   ---   شُفْت السّعادِة عَم تِجْري نَحْوي ٱنْهار
فالأُمُّ بَسْمِتـهـا  بِتْـطَـوِّلِ الأعمـار
                      ___________________________

لنشر خواطركم، قصائدكم، وكل ما يخطه قلمكم أو ما تودون أن تشركونا به، أرسلوها إلى البريد الالكتروني panet@panet.co.il



لمزيد من مقهى بانيت اضغط هنا

لمزيد من مقهى بانيت اضغط هنا
هذه الاعلانات قد تهمك
اغلاق