آخر صورة للمطرب المرحوم شفيق كبها بعرس في ام الفحم ليلة قتله 

"بشكل غير متعمد" في عام 2013، باطلاق نار .
وحكمت المحكمة ايضا في ذات الملف على شاب فحماوي آخر بالسجن 3 سنوات بعد إدانته بالمساعدة على تنفيذ الجريمة.
وكانت  النيابة العامة قدمت لائحة اتهام بحق ثلاثة شبان في العشرينات من العمر من سكان مدينة ام الفحم بتهمة الضلوع في حادث مقتل الفنان ابن كفرقرع شفيق كبها باطلاق النار عليه على مدخل مدينة ام الفحم عندما كان في طريق عودته من حفل احياه في المدينة. اما المتهم الثالث  والمركزي، وهو من ام الفحم، فلم يُبت بعد بالحكم عليه.

 ابنة شفيق كبها تكتب رسالة تبكي الحجر بعد الحكم على اثنين من المتهمين بقتل والدها
في اعقاب اصدار الحكم على اثنين من المتهمين بقتل والدها، كتبت فاتن شفيق كبها، ابنة الفنان الراحل كلمات تبكي الحجر، ننشرها كما نشرتها على صفحتها عبر احد مواقع التواصل، مع التحفظ على الأسماء في هذه المرحلة فقد كتبت فاتن:
 اليوم كان نطق بالحكم بقضية قتل شفيق كبها.
معلش رح احكي برسميات .. اه شفيق كبها ،مش ابوي بهاي اللحظة. هو المغني الي لقبوه بـ "حارس التراث الفلسطيني" هو الي دخل الفرح ع كل بيت بفلسطين او بالأحرى كل بيت فلسطيني.
المحكمة كانت هزيلة فارغة .. عبارة عن وجوه عادية، مرة بتشوفها شريكة بالجريمة ومرة بتقول انها انظلمت نتيجة الوضع الي تربت فيه.
بس بتُصفن فجأة لما يصدر الحكم"، اضافت "شاب بالعشرينات من عمره، ساق الماتور وقت وقعت الجريمة ..
انحكم 14 سنة .
سألت حالي اذا انا مبسوطة من الحكم؟ معرفتش اجاوب..
شو رح يبسطني؟ لو انحكم بالإعدام؟ شو رح استفيد؟ ايش ممكن يشفي غليلي ؟ ولا اشي ..".
تابعت حول شاب آخر "كمان بالعشرينات ،انحكم 3 سنين لانه اجر الماتور للقاتل (خالد) ولشوفير (امل) ..
برضو سالت حالي اذا انبسطت؟ معرفتش اجاوب.
برجع بسأل حالي .. كيف لازم يحسو اهل القتيل؟ شو مفروض نشعر بهذا اليوم البائس؟
بس السؤال الاقوى الي ضل يراودني .. شو الاشي الي ممكن يبسطني من كل القصة؟ ملقيتش جواب .. غير حضن ابوي بالحياة.
لهيك بتوصل لقناعة ..انه الوحيد الي قادر ينهي حياة بني ادم،وحياة عيله .. هو الي رضع حليب وسخ.
الي تعلم يرفع ايده،يرفع صوته.. الي تعلم يتهجم.
الي تعلم من امه يتمرجل ع ولاد صفه وع اخته،وع ابن حارته..
(الحكم بقضية القاتل بملف ثاني،يمكن المحكمة توخد كمان سنة او سنتين)
الله يرحمك يابا ويرضى عليك وتطمن احنا لسا فينا نفس نقتل بعض،ونتهجم ع بعض..
الله يرحم كل شخص مات مظلو م،والله يكون بعون كل عيله اكلت هالمصاب.
لنا الرحمة من بعد الأموات". نهاية الرسالة

فاتن مع المرحوم والدها

بإمكان متصفحي موقع بانيت إرسال أخبار وصور لنشرها في موقع بانيت مجانا على البريد الالكتروني :panet@panet.co.il



لمزيد من اخبار ام الفحم والمنطقة اضغط هنا