اغلاق

فتاة : تعلقت به كثيرا .. فكيف أنساه ؟! أفيدوني رجاء

السلام عليكم ورحمة الله وبركاته، اريد ان احكي مشكلتي لكي اتلقى منكم اقتراحات ممكن تفيدني وتريحني. انا تعرفت على شاب عن طريق شبكة التواصل الاجتماعية،


الصورة للتوضيح فقط

كان مشارك منشور في احدى المجموعات، وانا لم يعجبني منشوره فقلت له رأيي بكل صراحة، كنت انتظر منه رد سيئ، ولكن بالعكس اجابني بكل احترام وأدب، وانا احسست بعذاب الضمير لاني حكمت عليه من غير ما اعرفو، بعثت له رسالة على الخاص واعتذرت منه وهو قبل اعتذاري.. هكذا بدأ الحكي بيننا بعدين تطورت العلاقة وصرنا نحكي كتير مع بعضنا وتعلقت فيه كثير ومرة اعترف لي انو بيحبني وناوي يتزوجني لهيك ما طلب مني انو نلتقي، قال انو بدو ياني في الحلال يعني ما في داعي نلتقي قبل مايجي على بيتنا.
الصراحة حبيتو كثير وحبيت طريقة معاملتو معي، بعدين وبدون سبب اختفى ما بيرد لا على الانترنت ولا بالهاتف وعمل لي حظر، وانا كنت رح جن ليش عمل هيك ليكون صاير لو شي، المهم قررت اني اخد رقم جديد واحكي معو، وهيك سويت حكيت معو على اساس اني غلطت في الرقم واكتشفت انو بيحب واحدة ثانية وبيموت فيها، وانا مانو فاكرني ولا حاسس فيني، من بعد ما حكالي هالشي قررت اني اصارحو مين بكون، ولما قلت له انصدم، كان ندمان كثير وقال انو ما قدر يواجهني وانو كان يحكي معي مشان ينسى هديك البنت، بس ما مشي معو الحال لهيك قرر يتركني.
لما شفت حالتو ماقدرت قلو شي غير اني سامحتو وبتمنى لو كل خير مع يلي بيحبها.
انا قلتلو هاد الكلام بس قلبي بيقول شي تاني ما قدرت انساه .. كل محاولاتي فشلت، وانا هلأ بتعذب على شي مالي ذنب فيه، هو كان بدو ينسى وانا حبيتو !! هلأ شو بايدي اعمل؟! بترجاكم اعطوني شي اقتراح يريحني لانو عن جد تعبت كثير.. وشكرا الكم.

تواجهون في حياتكم مشكلة اسرية ، زوجية ، عاطفية ، اجتماعية او غيرها ؟ تبحثون عن حل ؟ حائرون وبحاجة الى مساعدة ؟ .. يمكنكم ان تطرحوا مشكلتكم ليشارككم في حلها متصفحو موقع بانيت ، من خلال هذه الزاوية - " قلوب حائرة " .كل ما عليكم ان تفعلوه هو ان تبعثوا بمشكلتكم الى العنوان التالي :panet@panet.co.il .

لمزيد من قلوب حائرة اضغط هنا
هذه الاعلانات قد تهمك
اغلاق