اغلاق

فتاة: قربه عذاب .. وبعده عني اصعب بكثير، ماذا أفعل ؟!

السلام عيكم، رح افتح قلبي واحكي مشكلتي الي محد يعلم فيها غير شخص واحد وربنا . انا فتاه ابلغ من العمر 25 عاما .. متعلمة وذات جمال واخلاق والحمدلله .


الصورة للتوضيح فقط

مشكلتي هي بحب شخص متجوز وعنده اربع اولاد ويكبرني بستة سنين، ومش قادرة اتركه وانساه واحب غيره، لانه اجمل روح انسان بنظري.
تعرفت عليه بمكان شغلي، بلشنا باعجاب وتطورت العلاقه لحد ما صرنا منحب بعض لدرجة الجنون، صرنا قراب كثير من بعض ما في يوم بمر من دون ما بشوفه ونقعد مع بعض ساعات، وهو كمان متعلق جدا فيني.
الحب الي بينا كل يوم عم بكبر، قد ما بحكي ما رح اوصف حبنا وقديش خلاني سعيدة، بس بنفس الوقت انا وجعي بكبر لانه باللحظة الي اتذكر انه هو متجوز وصعب نكون مع بعض ببلش انقهر وابكي.
عمل كثير شغلات عشاني وحتى يضل قريب مني، بنفس الوقت هو مش قادر يتجوزني لانه متجوز وحكالي عشان اولادي صعب لانه هم بالنسبة الي كلشي بالحياة، لو كنت متجوز بس بدون اولاد كان ممكن صار واتجوزنا، كمان هو متعلق فيني وبحبني ومتاكدة من هالشي ومش قادر يتركني.
مرة حكالي روحي شوفي حياتك وحبي غيري لانه بديش اظلمك معي لانه بتستاهلي احسن مني وعزابي، حكالي هاي الجملة وهو ببكي لانه بحبني وعارف انه مش قادر يتجوزني .
فانا ما قدرت ابعد عنه وكملت معه لانه مش متخيلة ابعد عنه، لانه مش متخيلة حالي اتركه لانه هو كل حياتي بحبه كثير وفيه كل الصفات الي تتمناها كل بنت، لانه كمان بفهمني ودايما معي بكل حالاتي.
بالرغم انه يتقدملي كثير عرسان بس انا برفض لانه مش قادرة احب غيره واتركه، ولانه ولا شخص عبا عيني مثله. انا كثير حزينة وبس اتذكر حالتي تبلش روحي عم تطلع وابكي وما بخلي حدا يحس عليه حتى هو، انا يا عالم عم بتالم وبحس عم يخرب مستقبلي وسنين على الفاضي، وبنفس الوقت حبي الو صعب انساه واتركه .. ساعدوني شو اساوي انا بموت باليوم ميت موتة، قربه موجعني وبعده عني اصعب بكثير ؟

تواجهون في حياتكم مشكلة اسرية ، زوجية ، عاطفية ، اجتماعية او غيرها ؟ تبحثون عن حل ؟ حائرون وبحاجة الى مساعدة ؟ .. يمكنكم ان تطرحوا مشكلتكم ليشارككم في حلها متصفحو موقع بانيت ، من خلال هذه الزاوية - " قلوب حائرة " .كل ما عليكم ان تفعلوه هو ان تبعثوا بمشكلتكم الى العنوان التالي :panet@panet.co.il .

لمزيد من قلوب حائرة اضغط هنا
هذه الاعلانات قد تهمك
اغلاق