اغلاق

شاب 18 عاما: أحبها ولكن لا اثق بها ! .. فكيف أعيد الثقة ؟!

مرحبا، انا شب عمري 18 سنة، تعرفت على بنت من 6 شهور وصرلنا شهرين مرتبطين. كانت الها علاقة قديمة مع شخص وبس حبينا بعض رجع هاد الشخص لحياتها بدون ما اعرف..


الصورة للتوضيح فقط
 
كنت اشك فيها كتير واصارحها بأنو انا شاك فيها ومش متحمل، وبالاخير اطلع غلطان واصير اعتذر منها لاني ما بثق فيها.
بس من شي اسبوع صارت شغلة بتفلج، اجت حكتلي بدي احكيلك شغلة مهمة حكيتلها تفضلي احكي. بتحكيلي انا حكيت مع الشب !! انا انصدمت صراحة وقلبي بطل بمكانه.
حكتلي فيك تسامحني وفيك تتركني، بس حكتلي انا والله بحبك وانا ندمانة ولو اني مش ندمانة كان خفيت القصة عنك، وحكتلي حط الشروط الي بدك اياها، وانا من كتر ما انا بحبها حكيتلها اعطيني وقت افكر، بعديها فكرت منيح، انا ما بقدر اعيش من غيرها .. بس كمان مستحيل الثقة تصير تمام التمام، حطيتلها شروط وعواقب، حكيتلها ماراح ترجع معاملتي متل الاول، وازا بتخونيني تاني مرة بحسب الله ماخلقك ويمكن اقتلك.
بس لهسا حاسس في شي غلط وانو ممكن ترجع تخوني، بس انا العيب مش مني العيب منها.
انا اهتميت فيها كتير واهتميت بدراستها وبأهتماماتها وهي كانت تحكيلي هيك انو انا مش مقصر وهي الغلطانة، بس انا لهلاء مش عارف شو اسوي !! حيران كتير بعد ما رجعتلها خايف تخوني كمان مرة واوقع بنفس الجورة مرة تانية.
لهيك يا قلوبي بدي نصيحتكم .. وشكرا الكم كتير كتير من قلبي!!


تواجهون في حياتكم مشكلة اسرية ، زوجية ، عاطفية ، اجتماعية او غيرها ؟ تبحثون عن حل ؟ حائرون وبحاجة الى مساعدة ؟ .. يمكنكم ان تطرحوا مشكلتكم ليشارككم في حلها متصفحو موقع بانيت ، من خلال هذه الزاوية - " قلوب حائرة " .كل ما عليكم ان تفعلوه هو ان تبعثوا بمشكلتكم الى العنوان التالي :panet@panet.co.il .


لمزيد من قلوب حائرة اضغط هنا
هذه الاعلانات قد تهمك
اغلاق