اغلاق

فتاة 18 عاما : دمر حياتي منذ أن دخلها .. انصحوني رجاء

السلام عليكم، انا حابة احكي مشكلتي وبتمنى حدا يساعدني، انا فتاه عمري 18 سنة، تقدملي شب ووافقت عليه هو شب محترم واي بنت بتتمناه، انا بدي اتزوج بالحلال،


الصورة للتوضيح فقط

عمري ما عملت اشي ما برضي ربنا وبحاول قد ما اقدر ابعد عن كل اشي بغضب الله، بالاخر بدي من الدنيا بس رضا ربنا.
بس المشكلة انو فيه شخص ثاني خربلي حياتي، دمرني من جوا حرقلي قلبي هذا الشخص حاول كتير يعلقني فيه  هو بعرف اني مرتبطة، بعد فترة صرت احب اشوفه وين ما اروح ادور عليه واذا ما شفتو بتضايق الاشي غصب عني، وانا حاولت كتير ما افكر فيه بس كنت بنسى حالي، اصر احكي معو حكيت معو وفهمت انو بس بدو يتسلى وبدو يقضي وقت بس ليش معي انا !! انا شو اعملت الو حتى يعمل فيني هيك، ليش يكذب ويحكي انو بدو ياني ..انا كتير حبيته وعمري ما حبيت حدا وتعلقت بحدا لهدرجة نفسيتي تعبانة،  كان بس بدي اكون معو بالحلال، بس عرفت انو بتسلى  تركته لاني ما بدي اغضب ربنا ..انا كتير بشتاق الو دايما في  بالي ولا يوم نسيته دائما بتذكر كلامه اخذ روحي معو اخذ تفكري نسيت انو فيه بحياتي شخص ورح اتزوجو،  كان يبين واحد مسكين وعلى نياتو.
الصراحة انا مش فاهمة على هذا الشخص، اشي حيرني مش عارفة ليش دخل حياتي من يوم ما عرفته اتغيرت بدي ارجع طبيعية!!

تواجهون في حياتكم مشكلة اسرية ، زوجية ، عاطفية ، اجتماعية او غيرها ؟ تبحثون عن حل ؟ حائرون وبحاجة الى مساعدة ؟ .. يمكنكم ان تطرحوا مشكلتكم ليشارككم في حلها متصفحو موقع بانيت ، من خلال هذه الزاوية - " قلوب حائرة " .كل ما عليكم ان تفعلوه هو ان تبعثوا بمشكلتكم الى العنوان التالي :panet@panet.co.il .


لمزيد من قلوب حائرة اضغط هنا
هذه الاعلانات قد تهمك
اغلاق