اغلاق

سيدة: دمّر حياتي في زمن قصير .. رحل ولا أدري ما العمل!!

مرحب، بدي احكي مشكلتي بس ياريت ما حد يجرحني، انا متزوجة وعندي ولاد وعمري 32 سنة، مشكلتي صعبة كتير علي مش عارفة اتصرف!!


الصورة للتوضيح فقط

بدي احكي بالزبط كيف بلشت معي، انا كنت مبسوطة كتير مع جوزي الحمد لله، مرة طلعت مع صاحبتي نشتري غراض عند واحد صاحبهن وشافني ضل صافن فيي، وقال لصاحبتي من وين هاي وبدي احكي معها، قالتلو لا هاي متزوجة، اجا قلها انا بجيبها وهو صورني من غير ما اعرف، فش جمعة ولا هو بطلب بدو اروح عندو عالمحل وانا ما بعرف صاحبتي اخدتني كمان مرة واشترينا كمان مرة وانا مش فاهمة اشي، مش عارفة انو بدو يحكي معي، طلب منها رقمي اعطتو اياه وقلها انا بحكي معها.
اتصل وطلب يحكي معي طبعا انا ما قبلت، اجا قلي انا بجيبك خلال جمعة، طلع بشتغل بسحرات ما بعرف شو عمل عشان اقبل احكي معو، شوي شوي اتعلقت فيه كتير وما بغدر اعيش من غيرو، بحكي معي بروح عندو عالمحل قدام الناس عادي، صلنا اربع سنين وعلقني فيه.. صرت اخدلو هدايا تقيلة فوق الفين شيقل، بحبو كتير ما بهتم شو اشتريلو وكان يحكي معي يوم يوم ويعطيني من المحل شو ما بدي، ويقولي بقدرش اعيش بلاكي، وانا بحبك كتيررر ويحلفلي فجأة، شافت مرتو رسالة مني ولما سالتو  قلها هاي صديقة، بس من يومها اتغير معي صلو ستة اشهر متغير ما بحكي معي، بروح عندو ما بعطيني وجي ما بعبرني ما بطلع علييي زي اول وهو عملي سحر طلع بشتغل بسحرات وانا ما بغدر اعمل اشي لا ابعد ولا اكرهو ما بغدر عشان السحرات الي بعملها والله تعبت مش عارفة اتصرف بشي، وهو بقولي مش راح تغدري تبعدي عني، وطلب مني ما اتصل عليه ولا ابعتلو رسايل، اتغير معي من بعد معلقني فيه بس مش غادري ابعد مخنوقة، روحت عند شيوخ وقلتلهن ما حدا قابل يساعدني عشان هو كل جمعة بجدد السحر، عالفاضي وين مروح !!
يا ريت تساعدوني شو اعمل ما بغدر ابعد عنو حبيتو كتير وتعلقت فيه مش بايدي ومش طايقة حدا ومقصرة بالبيت بطت احب اشتغل بالبيت زي اول، ومش منيحة مع ولادي بضل عصبية، بطقش حدا يحكي معي، انا مدمرة والله، من شان الله شو اعمل!!

تواجهون في حياتكم مشكلة اسرية ، زوجية ، عاطفية ، اجتماعية او غيرها ؟ تبحثون عن حل ؟ حائرون وبحاجة الى مساعدة ؟ .. يمكنكم ان تطرحوا مشكلتكم ليشارككم في حلها متصفحو موقع بانيت ، من خلال هذه الزاوية - " قلوب حائرة " .كل ما عليكم ان تفعلوه هو ان تبعثوا بمشكلتكم الى العنوان التالي :panet@panet.co.il .

لمزيد من قلوب حائرة اضغط هنا
هذه الاعلانات قد تهمك
اغلاق