اغلاق

ميرهان حسين: ‘مشاهير الفن ليسوا كما يعتقد البعض‘

نشرت الممثلة ​ميرهان حسين​ صورة لها عبر حسابها الخاص على احد مواقع التواصل الاجتماعي، وجّهت من خلالها رسالة للجمهور، اكّدت فيها ان المشاهير ليس دائما ينعمون



بحياة سعيدة، بل يمرّون احيانا بظروف صعبة وقاسية.
واكملت أنها تهاونت في حقوقها كي لا تلحق الضرر والشائعات بعائلتها.
وكتبت قائلة: "كان نفسي من فترة اقول للناس ارحموا الفنانين شوية... الفنانين والفنانات مش زي مانتوا فاكرينهم بيتدلعوا ويكسبوا ملايين لأ .. انتوا ماتعرفوش التعب والظروف القاسية جدا اللي ممكن تعدي على فنان ومايقدرش يعبر عنها ولا يملا الدنيا شكوى زي اي شخص عادي... ابسط حقوقه فإنه يعبر عن ألمه مايقدرش يصرح بيه ... لأنه هايفتح على نفسه أبواب حكم الناس القاسية اللي مابترحمش واللي هاتألف فوق الحكاية الحقيقية مليون حكاية كدب.. انا واحدة من الناس اللي سكتو على حقهم وتحملت اللي مايتحملوش جبل عشان ماسمعش حكايات ظالمة وتعليقات وإشاعات مؤذية ليا و لأهلي.. إليسا خبت مرضها وقاومته لحد ماتغلبت عليه وأعلنت عنه بعد ما شفيت.. ده مثال للصراع اللي ممكن تعيشه فنانة أو شخصية عامة بعيد عن الأضواء وتظهر للأضواء بوجه آخر مشرق ورائع... وكمان تشوفه بيشتغل وبينجح وانت ماتعرفش الحالة اللي كان فيها وهو بيقدم عمل فني يسعد بيه جمهوره ..

اتمنى ان الناس تعرف ان الفنان إنسان وممكن يكون بيعاني معاناة انت لا تعلم عنها شيء وبتنتقده فقط وتقسى عليه وتحلل وتحرم وتدخله النار وانت قاعد مكانك بكلمتين على موبايل في إيدك وتنسج قصص و اشاعات وانت لا تعلم إلا اقل اقل القليل عنه ....
تحية لإليسا.. تحية للأقوياء الذين لا يظهرون قوتهم لنا ولكنهم يخوضون معارك لا نعرف عنها شيئ".












لتنزيل احدث الاغاني العربية اضغط هنا

لمزيد من فن من العالم العربي اضغط هنا
هذه الاعلانات قد تهمك
اغلاق