اغلاق

فتاة: تربيت في بيت لا يعرف الحب والاحترام، ماذا أفعل ؟

أنا أهلي كل عمرهم في بيناتهن مشاكل ، مشاكل بشكل مش طبيعي!!! ما ربيت ببيت بعرف شو يعني حب وتفاهم واحترام .. طول الوقت ببقى عصبية. بعدني صغيرة


الصورة للتوضيح فقط - تصوير iStock-Carlo107

مش طابقة ٢١ وتجوزت. في مشاكل كبيرة بيني وبين جوزي بضل يهيني ويسب علي كل ما يطفر وانا تعبت وكرامتي عندي بالدنيا كلها.
انا صبية طموحة وبحب اشتغل عحالي وانجازاتي وهو بدو ياني بس خدامة بالبيت .
صراحة انا  اقتنعت اني غلطت اني تجوزت صغيرة. وحياة الله نفسي اعيش حياة طبيعية ومبسوطة زي بقيه العالم بس ما في. كل ليله بنام وانا ابكي تعبت من المشاكل والإهانات مع انو ما في اشي بجبرني أبقى مع زوجي غير اني قرفانة من هاد المجتمع وتفكيره المريض!
نفسي اطلع برا البلاد بس بعرف حالي ما بتحمل.
والله انو بطلّع مني بس الاشيا اللي مش منيحه، انا حنونه وقلبي طيب وكتير حلوه ، جنني بقصص الغيره والشك وما بطلع مني غير الاشيا اللي مش منيحه... ستويت طريقه تفكيره كتير قديمه وكلشي عيب وحرام.
بطلع قدام الناس بمتل اني مبسوطه ومكيفه معو بس انا كل يوم بمشاكل وزعاق وإهانات ومسبات اوطى مستوى وبكسر وبخبط... انهرت حتى بجامعتي عم يوطى مستوى علاماتي.
نشكر الله ما في ولاد بس مش عارفه شو اعمل.!!!
تعبت لدرجه مش طبيعه.. وحياه ربي عم بنهار .. شو الحل ازا بقيت ساكته عهاد الوضع رح يبقى كل عمرو يهيني وحتى أولادي رح يربووو بجو فاشل كيف انا ربيت مع اهلي!!!!!!!
انا لولا وثقت بنفسي وقويت حالي بحالي كان رح اضل ماخده فكره عن حالي اني فاشله (من ورا العقد اللي حطوها اهلي فينا من ورا مشاكلهم)
ومع هيك كل يوم بطلع ابتسم واضحك وكأنه شيئا لم يكن بس خلص وصلت لمرحله مش عم بتحمللل ليصير  عندي انفصام من اللي عايشينه!!!!
وحياه الله لو اي شخص بعرف اللي انا عشته او الطفوله اللي انا عشتها ما بصدق .. بنتحر
شو اعمل مع زوجي؟ اطلق ... شو اعمل!؟؟!

بإمكان متصفحي موقع بانيت إرسال أخبار وصور لنشرها في موقع بانيت مجانا على البريد الالكتروني :panet@panet.co.il

لمزيد من قلوب حائرة اضغط هنا
هذه الاعلانات قد تهمك
اغلاق