اغلاق

شاب: رسالة إلى حبيبتي الغالية، أرجوك سامحيني

مرحبا، انا شاب من رام الله احببت فتاة من القدس - بيت حنينا حب لم يحببه حدا لفتاة من قبل، لدرجة اني احببتها اكثر من نفسي ومن روحي وعمري، واهديتها قلبي وافديها بروحي،


صورة للتوضيح فقط - تصوير: iStock-glegorly|

وياريت ما حدا يحكي شي مش منيح وكل واحد يحكي كلمة خير واللي بحكي مشان الهوية بحب احكيلو انو ريح حالك لا في هويات ولا في تصاريح حتى، وانا مش طمعان لا في هوية ولا تصريح لاني شيف قد الدنيا وراتبي ممتاز برام الله.
بحب احكيلها لحبيبتي قدامكم انو هاي المرة الرابعة الي بنزللها اعتذار ومناشدة لحبيبتي انها ترد وتسامحني وتحكي معاي لانو انا غلطت صح، بس انا ما خنتها وما خدعتها وما غشيتها وما كزبت عليها، كنت صادق وجدي وما تسليت فيها، كل ما هنالك اني عصبت لما اهلها رفضوا يجوزوني اياها لانو انا من الضفة وهيي من القدس، وقلت كلام وحكي ما لازم ينحكى، بس انا اعتذرت منها كتير كتير كتير قدامكم وقدامها، وياريت تسامحيني، انا بحبها وبموت فيها ومستحيل احب انسانة غيرها او افكر بانسانة غيرها، سنين وانا معاها بحبها وما رح اجوز غيرها حتى لو ضليت عزابي طول عمري بلشت المشاكل من اول مرة طلبتها فيهاومرت سنة كاملة ولو بدي انسى او بقدر انسى او بدي اشوف غيرها كان رحت زمان، بس انا عاهدت ربي ونفسي اني ما احب الا هيي ومستحيل احب الا هيي او اجوز غيرها لانو مستحيل والله على ما اقول شهيد بحبك يا روحي بتمنى تسامحيني وتسمعيني لانو انا صادق ومخلص الك وكنت جدي وبستاهل فرصة منك بتمنى يا اخوتي وخواتي انكم تدعموني وتحكوا كلمة خير!!

تواجهون في حياتكم مشكلة اسرية ، زوجية ، عاطفية ، اجتماعية او غيرها ؟ تبحثون عن حل ؟ حائرون وبحاجة الى مساعدة ؟ .. يمكنكم ان تطرحوا مشكلتكم ليشارككم في حلها متصفحو موقع بانيت ، من خلال هذه الزاوية - " قلوب حائرة " .كل ما عليكم ان تفعلوه هو ان تبعثوا بمشكلتكم الى العنوان التالي :panet@panet.co.il .

لمزيد من مشاكل وقلوب حائرة اضغط هنا

لمزيد من قلوب حائرة اضغط هنا
هذه الاعلانات قد تهمك
اغلاق