اغلاق

نداء من فتاة من الناصرة لصديقات من منطقة عكا

وصلت لموقع بانيت وصحيفة بانوراما رسالة من فتاة من مدينة الناصرة ننشرها حرفيا، تقول فيها: "احب ان اشكر موقع بانيت, لانه هو الموقع الوحيد اللي بيطرح المشاكل كما يجب.


الصورة للتوضيح فقط

في تاريخ 4/3/2006 كان يوم جمعة , قررنا انو نروح على مدينة طبريا . قمنا بتحضير حالنا واتصلنا مع عمتي عشان تحضر حالها لتيجي معنا . وبالفعل اخدناها من بيتها هي وابنها الصغير وروحنا على طبريا . كانت حوالي الساعة 3.30 عصرا تقريبا . فرينا على شواطئ كتير وبالاخر قعدنا بشط جميل ناسبنا . وبعد ما قعدنا حوالي نص ساعة كان حدنا 4 صبايا كانوا قاعدين على الطاولة اللي جنبنا . حطينا الاغراض على طاولة وقعدنا . بعد شي نص ساعة من الجلوس اجت صبية من احدى الصبايا اللي كانت قاعدة معهم اجت لتطلب منا غرض , اعطيناها اياه. بعد  شوي راح اخوي الصغير يوخد من عندهن الغرض اللي اخدوه منا . وشكرت اخوي عشان اعطيناهم اياها . فعلا كانوا بنات مهضومات . قولت لابوي خليهم يجوا يقعدوا معنا  حابة اتعرف عليهم . روحت طلبت منهم انو يجوا . وفعلا اجوا كانوا كتير محبوبين وحبيتهم . عزمناهم على بيتنا وتاني يوم اجوا لانهم كانوا بالناصرة واصريت عليهم انو يجوا لعنا . واجوا وجابوا معهم وردة حلوي كتير . وبعد يومين اتصلت فيهم للاسف الشديد كان اسوأ يوم . ما كان حدا يرد . وما بعرف ليه انقطعت اخبارهن عني . جربت اتصل فيهن الخط مسكر .
ايمان ومروة وماجدة ورانية من منطقة عكا  لو تقرأوا هذي الرسالة يا ريت ترجعولي وطمنوني عليكم " .

( لارسال مواد وصور لموقع بانيت – عنواننا panet@panet.co.il)

لمزيد من الاخبار المحلية اضغط هنا

لمزيد من الناصرة والمنطقة اضغط هنا
هذه الاعلانات قد تهمك
اغلاق