اغلاق

ديما ابو رمحين من مجد الكروم:‘بخاف أمشي بالشارع‘

وين ما منروح منسمع ها الحكي،ها الحكي صار عاديانا صرت اخاف بخاف اروح عالمدرسة


صورة للتوضيح فقط - تصوير iStock-demaerre

بخاف اروح عند صاحبتي
بخاف اروح عالدورات
بخاف انزل عالدكانة
طب ليش انا بخاف؟!
بخاف اكون ماشيه بالشارع واسمع صوت صراخ بخاف اسمع صوت الرصاص بخاف اشوف الدم بخاف أشوف هاي الضحايا البريئة عم بتموت قدام عيني
بسأل حالي كثير معقول المره الجاي اكون انا الضحيه او اي حدا قريب مني؟!
هاي الاطفال شو ذنبها عشان متلعبش بالشارع وتعيش طفولتها
احنا بمرحله عم نبني حالنا ومستقبلنا
جيلنا بحاجه لهاي العلاقات الاجتماعيه بس خوفنا عم بمنعنا نطلع من بيوتنا ونبني شخصياتنا
انتو عم بتحطمونا وعم تهدمو احلامنا وطموحتنا
حرام ولد 10 سنين يكون متعلم العنف وبما انه عم بشوف اولاد بلدو و مجتمعو عم بتعاملو بهاي الطرق صار يستعملها
شو ذنب هاي الاطفال
شو ذنب هاي الارواح البريئه
شو ذنبنا احنا نعيش حالات الرعب
بلدنا ومجتمعنا وصلو الهاويه
بكفي عنف احنا بدنا أمان


 

لمزيد من مقهى بانيت اضغط هنا
هذه الاعلانات قد تهمك
اغلاق