اغلاق

شابة : هل أترك حبيبي من أجل العريس؟ ارجو مساعدتي

السلام عليكم، انا محتاجة لكم فعلا .. انا حائرة!! بالاول انا فتاة عمري 19 سنة وادرس سنة ثانية جامعة، وفي الحقيقة لدي مشكلة خاصة،

 
الصورة للتوضيح فقط-تصوير: portishead1-iStock

انا على علاقة مع شاب وهو جارنا والعلاقة مسجات، ومرات احكي معاه اتصال، التقينا اظن ثلاث مرات وليس لقاء مرتب له، انما لقاء في وسيلة النقل اثناء عودتي من الجامعة وهو يكون راجع من العمل، علما انو يشتغل استاذ رياضة وصار لنا سنة مع بعض، هو فالحقيقة محترم كثير معي بس مرات احسو مطنشني، ولما اصارحه يقول لي انه تعبان من الشغل وهيك.
ومن فترة تقدملي واحد وحسب ما عرفت انو انسان خلوق ومتدين ومتفهم ومتفتح، يعني اي وحدة مكاني اكيد رح تقبل، مشكلتو الوحيدة انه اكبر مني بـ 12 سنة، وكمان مو مخلص دراسة، وانا قلت احكي مع حبيبي وبعدين اعرف شو اعمل، ولما حكيت مع حبيبي هو ما ابدى اي ردة فعل وعاساس انو في مشاكل في بيتهم، وفي الحقيقة صح عندهم مشاكل يعني امو مريضة واخوه هاجر هجرة غير شرعية، وفي فكرة تغيير مسكن براس ابوه، وكمان هو ما جهز حالو للارتباط حاليا، بس انا ما طلبت منو يعملي عرس الحين يعني يحكي مع اخي ويفاتحو في الموضوع فقط، لكن هو ما قبل وانا حسيت حالي بلشت اميل للمتقدملي، يعني حسيت انو صح رجال ومتحمل المسؤولية، اما حبيبي فكأنو مو موجود، يعني بتعرفو العنصر المتفرج هذا هو حبيبي، المهم انا قلت معلش اصبر على حبيبي ورفضت الي متقدملي بس هذا يلي متقدملي ظل يحاول معي، انا قلت خليني استغل الفرصة لارغم حبيبي ليتقدم لي، حبيبي قالي ان شاء الله السنة الجاي رح يتقدملي رسمي، وكمان هو كثير قافل عليا وقالي بعد مانتزوج مافي سواقة سيارة ولا طلعة مشاوير ومافي تشتغلي، اما المتقدملي فقال عادي نتزوج واكمل دراسة وعادي اسوق سيارة والشغل مثل ما بدي، والله اني ضعت بينهم، واعرف اني غلطت وقت عملت حبيب، ربي يغفرلي ان شاء الله.
رجاء انصحوني انا اريد التوفيق بين رضا ربي ومستقبلي، والله يشهد علي اني اصريت على حبيبي يتقدملي بس عشان ارضي ربي، وللعلم اني عملت استخارة وسبحان الله الامور مع المتقدم لي عم تتسهل اكثر واكثر، فعلا احترت: خايفة اتزوج لي متقدم لي واظلمه وخايفة حبيبي مايتقدملي بعد سنة .


استعمال المضامين بموجب بند 27 أ لقانون الحقوق الأدبية لسنة 2007، يرجى ارسال ملاحظات لـ panet@panet.co.il

لمزيد من قلوب حائرة اضغط هنا
هذه الاعلانات قد تهمك
قلوب حائرة
اغلاق