اغلاق

فتاة : غضوا النظر عن الاعمار والألوان !

السلام عليكم ، كيفكم ؟ ودي اطرح موضوع عنجد مش موجود، نحن بندعي تطبيق تعاليم ديننا ، وما بنطبقها خصوصا في امور الزواج مثل " انا ما عمري سمعت شب لونه ابيض،


صورة للتوضيح فقط - تصوير: iStock-vgajic

 


تقدم لبنت لونها اسود انتوا فاهمين قصدي بالأبيض والاسود ، وكمان ولا مرة سمعت شب من هاللون تقدم لبنت بيضاء الا مرة وحدة مش بعيلتنا عائلة اخرى والبنت رفضت !! ممكن بسبب اللون وممكن بسبب اخرى احنا ما علينا الله يعلم ما في القلوب ، ومثال اخر "تحديد العمر في الزواج " يعني بنت عمرها من 15 الى 18سنة لِسَّه ما كملت مدرسة بيزوجوها وهي بتتزوج خوف من العنوسة او سبب تافه غيرو !! والله ماني فاهمة وين هو تطبيق تعاليم الدين؟!! يعني واحد دكتور عمرو فوق 29سنة يطلق مرتو الله اعلم ان كان سبب او لا ويتزوج وحدة لِسَّه ما كملت مدرسة !! وعجمالها !! طيب ما هي حبت قبلك قديش؟! وكان نفسها بشب غيرك! لا حول ولا قوة الا بالله ، كمان البنت لما بدها تتزوج حقها تسال عن اخلاقو ودينو ولا ممنوع او لا عمركي فوق 24 ولا فوق 26سنة خلص تزوجي ويلا مش مهم بعدين بتعنسي ، لا وبتيجي وحدة تقول اليوم بتزوجوا بنت 16 سنة! انتِ وين والدين والسنة النبوية وين؟!! ان شاء الله بيتغير هذا الامر ، ويغضوا النظر عن الاعمار والالوان لأَنِّي لو تقدملي شب لونه اسود ومتفهم واخلاق ودين ما بتردد ولا دقيقة :) والحمد لله اخلاق ودين وجمال كمان وعلم ، وخلي كل واحد ووحدة بتشرطوا بالالوان والإعمار تنفعهم ! وخلي الشباب الي بتلعب بشرف بنات الناس وتوعد وتخلف تتزوج وتشوف المر بحياتها ، العالم بيتقدم واحنا لِسَّه بنكذب وبننصب ونحتال ، وكلمة اخيرة " كل شب لا تقرب عبنات الناس وتقول هي رمت حالها عليا او انك ما جبرتها ترد عليك " البنت انسان ضعيفة شعورياً مهما كانت محترمة اتقوا الله عُبَّاد الله ، وحسبنا الله ونعم الوكيل .
‏‫
تواجهون في حياتكم مشكلة اسرية ، زوجية ، عاطفية ، اجتماعية او غيرها ؟ تبحثون عن حل ؟ حائرون وبحاجة الى مساعدة ؟ .. يمكنكم ان تطرحوا مشكلتكم ليشارككم في حلها متصفحو موقع بانيت ، من خلال هذه الزاوية - " قلوب حائرة " .
كل ما عليكم ان تفعلوه هو ان تبعثوا بمشكلتكم الى العنوان التالي :panet@panet.co.il .

لمزيد من مشاكل وقلوب حائرة اضغط هنا

 


استعمال المضامين بموجب بند 27 أ لقانون الحقوق الأدبية لسنة 2007، يرجى ارسال ملاحظات لـ panet@panet.co.il

لمزيد من قلوب حائرة اضغط هنا
هذه الاعلانات قد تهمك
قلوب حائرة
اغلاق