فتاة 21 عاما: حبيبي فارقني وخطب غيري !! ساعدوني

مرحبا، انا فتاة ابلغ من العمر 21 سنة، مشكلتي هي اني كنت بعلاقة مع شاب من جيلي وعلاقتنا كانت علاقة حب واحترام يعني علاقة زي كل شاب وفتاة بحبوا بعض. هذا الشاب حبني لدرجة الجنون وانا واثقة من هذا،


الصورة للتوضيح فقط

الشيء المشكلة بدأت لما صار عندي ظرف وبعدت عنده لفترة وبهذه الفترة اجيت بدي ارجعله بس لاقيته واكتشفت انه بحكي مع فتيات على الفيس بوك المهم وانا اتذايقت وبعدت عنه بس ما قولت له شو السبب ليش بعدت عنه وورفضت احكي معه وبعدنا عن بعض حوالي سنة ونصف وبهذه الفترة مشفتش طعم الهنا كنت اتعذب كل يوم وهو بعيد عني مش قادرة اقول اني بعدني بحبه ولا قادرة احكي معه وكنت كل ليلة قبل ما نام ابكي من قهري واتذكر كل لحظة واحنا مع بعض واتذايق كثير ومرة بالصدفة بعد كل هذه الفترة اتصل فيني وقالي انه بدو يسلم علي وانه مشتاق لي كثير وبدو يشوفني وانا بس حكيت معه فرحتي لا يعلى عليها انبسطت كثير وانسيت كل العذاب الي كنت اتعذبه وهو بعيد عني وانا حكيت معه وحكيتله عن سبب تركي له. قالي انا كنت احكي مع فتيات لانه كنت مفكرك بتحبينيش وانا كنت هيك احكي مش بحب وطلب مني انه نفتح صفحة جديدة وانبدء مع بعض من جديد وقالي هو ما نسينيش وبحبي وانا وافقت ثاني يوم اتصل فيني وحكى معي بس انا ذايقته بحكي يعني صرت احكي معه زي وحدة بتفهمش مع العلم انه انا مش هيك بس بعرفش هيك صار يعني مقدرتش اثبتله حبي مقدرتش اقوله انه بحبك ومشتقتلك كثير مع اني كنت مستنيا سنين لحتى يجي هذا اليوم بس للاسف هيك صار سكرت التلفون وثاني يوم بحكي معه بردش علي بحاول احكي معه وبفهمه وبراضي بش مقدرتش لو مردش علي وبعد بشهر اجاني خبر انه خطب. وانا سمعت الخبر انجنيت حسيت هموم الدنيا كلها فوق راسي واليوم وانا متذليقة بعرفش ليش هيك نسيني وبطل يحبي وحب غيري انا متذايقة يا ناس تعبت كثير من هذا الحب هو الانسان الوحيد الي حبيته مش قادرة اكمل حياتي وانسى الي سنين بتعذب عشانه بالاخر ما كان من نصيبي ولا قادرة اوصله انه بحبه لانه بنفعش صار خاطب ولا قادرة انسى. مع العلم انه انا طالبة جامعية حتى بدروس معدتش اهتميت وسبب فشلي بدروسي هو هذا الانسان كنت من اشطر الفتيات اليوم انا بالجامعة بس اطمح اجيب علامة نجاح. والله العظيم اتعبت هذا البني ادم جنني سعادتي بس معه مش قادرة انسى واتخيل حالي اعيش مع واحد غيره مع العلم انه كنا مقررين يجي يخطبي وحدد تاريخ بس هذا قبل ما نترك. اسف اني طولت عليكم اتمنى انه تساعدوني.

تواجهون في حياتكم مشكلة اسرية ، زوجية ، عاطفية ، اجتماعية او غيرها ؟ تبحثون عن حل ؟ حائرون وبحاجة الى مساعدة ؟ .. يمكنكم ان تطرحوا مشكلتكم ليشارككم في حلها متصفحو موقع بانيت ، من خلال هذه الزاوية - "
قلوب حائرة " . كل ما عليكم ان تفعلوه هو ان تبعثوا بمشكلتكم الى العنوان التالي :panet@panet.co.il

لمزيد من مشاكل قلوب حائرة اضغط هنا