اغلاق

فتاة 19 عامًا: اتمنى ان يغفر الله لي ما ارتكبت

ابعث سلامي لكل من يساهم بهذه الزاوية وشكر خاص لمن يعمل بهذا الموقع الجميل، انا فتاه ابلغ من العمر 19 عاما من القدس وبتمنى احكي مشكلتي وتساعدوني وبدون تجريح، انا فتاة وحيدة بين اخوتي ومشكلتي،


الصورة للتوضيح فقط

اني قبل اكم شهر كنت احكي مع شاب وهو بكون صاحب اخي وشيطان لعب براسي اني ابعث له صوري وانه نفوت بمواضيع ممنوعة وبعد اكم شهر غيرت رقمي وندمت كثير وصرت دايما استدعي انه ربي يغفرلي وتبت اني ما ارجع احكي معه، بس كل يوم بكون خايفة انه يوصل لاخي الحكي، لانه دايما اخي يحكيلي يا ويلك اذا سمعت عنك شيء مو منيح او انك غلطتي لغير اموتك وما رح ارحمك، يا ربي ايش اعمل؟!، انا ما بنام ولا بوكل وكل ما اقعد مع اخوي بصير جسمي يروج وبخاف كثير وكل ما يجي رسالة او اتصال بخاف انه يكون حد عرف عني وبدو يحكي له، المهم انا قبل اسبوع شوفت شاب وحكيته وحلفته انه ما يجيب سيرتي وينسى اني حكيت معه واني بعثت له صوري وحكيت له اني ندمانة وانه الشيطان لعب براسي لحتى اعمل هيك، وهذا الشاب حكالي لا وما تخافي وبعد كل هذا حكالي هاتي رقمك جديد وانا رفضت وبسرعة رحت على بيتنا، يا ربي ايش اعمل يا جماعة؟!، انا كل ما بصلي بستدعي انه ربنا يستر عليه وما يفضحني وانه يسامحني وانه اخي ما يعرف بقصتي والله بقتلني ودايما استدعي انه علاقتي ما تخرب مع اخي لاني مدللة عنده، بس وقت الغلط ما بعرف اني اخته ... اخي من نوع العصبي وانه ما يحب الغلط وما بفكر وقت ما يعصب، ما بعرف ايش يعمل، بترجاكم ساعدوني واستدعولي انه ما يعرف شيء عني، استدعولي بالسترة، وشكرا لادارة موقع بانيت.

تواجهون في حياتكم مشكلة اسرية ، زوجية ، عاطفية ، اجتماعية او غيرها ؟ تبحثون عن حل ؟ حائرون وبحاجة الى مساعدة ؟ .. يمكنكم ان تطرحوا مشكلتكم ليشارككم في حلها متصفحو موقع بانيت ، من خلال هذه الزاوية - " قلوب حائرة " .كل ما عليكم ان تفعلوه هو ان تبعثوا بمشكلتكم الى العنوان التالي :panet@panet.co.il .

لمزيد من مشاكل وقلوب حائرة اضغط هنا


استعمال المضامين بموجب بند 27 أ لقانون الحقوق الأدبية لسنة 2007، يرجى ارسال ملاحظات لـ panet@panet.co.il

لمزيد من قلوب حائرة اضغط هنا
هذه الاعلانات قد تهمك
قلوب حائرة
اغلاق