اغلاق

امرأة: أحببت غير زوجي وأريد الانفصال!! انصحوني

مرحبا، انا امرأة متزوجة منذ 10 سنوات ولدي طفلان، لا اعرف كيف ابدأ بقصتي لانها غريبة وصعبة، في فترة كنت أعقب بموقع وفجأة حسيت انه صار عندي ادمان اني ،


الصورة للتوضيح فقط

اعقب وادردش وحبيت الموضوع وصار الي عدت اصدقاء، كنا اغلى اصدقاء وكان الي صديق كثير بسال عنه وهو بسال عني، يوم عن يوم صار يطلب نتواصل ووافقت لاني حسيت انه لعبة وبدي اتسلا .. وصارنا نحكي على اساس انا مش متزوجة وحبني وشافني وشفته وفجأة وقعت بحبه، اصبح بالنسبة الي اغلى من روحي، عشقته وتمنيته وصرت مش انا ولا بعرف كيف تغيرت ولا ليش حبيت وكيف ؟؟؟ قعدنا نحكي سنة وهو لساته بعرف انا مو متزوجة .. لانه طيب وحنون، حبيت اصارحه ولاني حبيته كمان، بس لما قررت اخبره، كنا فاتحين الكام وشايفين بعض .. كنت ابكي وقولت له بدي اخبرك على شغلة وخايفة، قالي ايش هي؟!، خبرينا!!، وكان صعب احكي مرة احاول احكي وفجأة اتلبك واسكت وابكي .. وبالاخير قولت له، انا متزوجة، وهيك بالاول انصدم، بعدين سكت وصفن فيي وقالي بحبك بحبك .. انا انصدمت قولت له شو بتحكي؟!، قالي هيك انا، بحبك، كان حزين متلبك .. مصدوم حزين .. واستمرينا بالعلاقة وانا كنت دايما اضحي من شانه، ما بدي اكمل مع زوجي، كنت اعمل مشاكل لينتهي من حياتي. مش عارفة كيف؟!، استمرت علاقتنا انا واياه 3 سنوات وانا كاتمة بقلبي وخايفة كل مرة احكي معه وخايفة .. وهو مستعد يستناني ليتزوجني، الشاب صار عمره 30 سنة، ما مفكر يخطب الا انا ... انا ما بعرف شو وكيف حبيته بالبداية، كانت مجرد لعبة وبالاخير صارت حقيقة وصار عمري وحياتي هو املي بالحياة .. بحبه للابد .. ولاخر نفس بحياتي بقلك اني بدونك صعب اعيش، بتحدى الكون وبتحدى العالم وبتحدى الصعب والخوف من اجلك.

تواجهون في حياتكم مشكلة اسرية ، زوجية ، عاطفية ، اجتماعية او غيرها ؟ تبحثون عن حل ؟ حائرون وبحاجة الى مساعدة ؟ .. يمكنكم ان تطرحوا مشكلتكم ليشارككم في حلها متصفحو موقع بانيت ، من خلال هذه الزاوية - " قلوب حائرة " .كل ما عليكم ان تفعلوه هو ان تبعثوا بمشكلتكم الى العنوان التالي :panet@panet.co.il .

لمزيد من مشاكل وقلوب حائرة اضغط هنا


استعمال المضامين بموجب بند 27 أ لقانون الحقوق الأدبية لسنة 2007، يرجى ارسال ملاحظات لـ panet@panet.co.il

لمزيد من قلوب حائرة اضغط هنا
هذه الاعلانات قد تهمك
قلوب حائرة
اغلاق