Logo
امراة: زوجي يهملني انا وابنائي !! واريد منكم النصيحة

15/04/2013 06:51:51


مرحبا، قصتي انا طويلة بس راح احاول اختصر، انا كنت مخطوبة عن طريق الاهل وكان عمري 14 سنة وما صار نصيب لانه كان مستعجل على الزواج. انا كنت حابة اكمل تعليمي وافوت جامعة وما كان براسي حب والا صحبة،


الصورة للتوضيح فقط

كان همي الوحيد الدراسة .. بعد ما خصلت صف الثاني عشر اجى شاب طلبني وانا رفضته لان ما كنت بدي اتزوج فاصاروا يحكوا انا ما بدي اتزوج لانه بستنى بخطيبي الاول انا قولت انه لا وراح اوافق بس من شان تعرفوا انكم غلطانين وفعلا وافقت .. وفترة الخطوبة بس شهر وصار مشاكل في فترة الخطوبة بس اهلي ما رضيوا انه افلت لانه بحبني كثير، وفعلا استمرت الخطوبة وتزوجنا بعد شهر .. ومن اول يوم صار مشاكل ما كان بفهمني كان متسرع وبغلط من اول ليلة وانا من وقتها كرهته وما كان حاسس فيني ابدا وحتى شهر عسل ما طلعنا، آه انسيت احكي لكم انه احنا اتزوجنا وسكنا في بيت عند اهلي .. المهم هو ما كان عنده مسئولية كان بفضل انه يطلع مع اصحابه ويسهر ولا انه يشتغل ويصرف على البيت هذا واحد من اسباب المشاكل .. وخاني مع فتاة عن طريق التلفون وصار يحكي ليها كلام حب وانه مش متزوج وبدو يخطبها هذا الحكي كله اعرفته منها وكثير كلام كذب .. انا كنت بشك فيه لانه كان دائما ما بخليني امسك تلفونه وبخاف وبالصدفة نسي التلفون وانا اخذت النمرة وطلعت الفتاة وانا بس اعرفت القصة وهو رجع طلبت منه يسيبني وروح وما بدي اياه مع العلم كنت حامل بالشهر السابع وراح وبعديها صار يتصل ويحاول يفهمني انه مش هو الي حكى معها بس كل كلامه كذب لانه هي حكت له اسمه ... وحكى لي انه غير النمرة بس انا حكيت له وخاليته يتوهم انه انا خنته مثل ما هو عمل وحكيت مع شباب وطبعا هذا كذب بس كنت بدي اخليه يذوق من نفس الكاس .. بالاخير رجعنا وكمان واجهت معه مشاكل من نوع ثانية مثل سهراته لوجه الصبح وبرجع سكران كان وكذبه وكمان كان بحب نفسه كثير عمره ما اشترالي شغلة معه فرحني فيها بس بفكر في حاله بس بشتري لنفسه وهذا الشيء كان بزعجني فيه بس المشكلة الكبيرة هي ما كنت بحس انه عندي زوج اعتمد عليه اغلب مشاكلي كنت بحلها انا كنت بشتغل وبجيب شو ما ينقص اولادي ( انا عندي 3 اولاد الكبيرة 5 سنين والولد 3 سنين والصغيرة سنتين ) انا ما بنكر انه كان عنده ايجابيات بس سلبياته اكثر الايجابيات فيه انه كان كريم معي وكنت بس اطلب شيء بسيط بجيبه الي وكان حنون على بناته بس لما انا اطلب منه بلعب معهم يعني ما بعمل الشيء من نفسه وهذا الشيء كان مزعلني وحتى ما بتواجد معنا بالبيت اغلب الوقت يا بنام يا بطلع مع اصحابه .. يعني ما بشوف اولاده خمس دقايق على بعضهم وحتى طلعات وشمات هوا بحياته ما اخذهم ... المهم الان المشكلة هي انه صار يشتغل بشغل مو منيح وصار يغيب عن البيت يوم ويومين واوقات اسبوع وانا طلب منه يسيب الشغل ويشوف شغل غيره بس ما سمع مني وحكيت لاهله عنه وانه بشتغل شغل خطر ومو منيح وهم كمان طنشوا .. انا طلبت منه انه يبعد عني وما بدي اياه نهائي ما دام اختار الشغل هذا وغيرت نمرتي من شان ما يتصل .. بعد كم يوم اجى ودخل من الشباك وكنت وقتها نايمة مع الاولاد وانا انلمست منه وخفت كثير وطلبت منه يطلع وكان مع اشياء ممنوعة وحكى لي بدو يبطل شغله هذا وطلب مني النمرة تاعتي وانا رفضت لاني بعرف انه بكذب وحاول يوخذ نمرتي بس انا ما رضيت اعطيه وراح وثاني يوم اسمعت انه مصاحب وحدة مدمنة (بتستعمل سموم ) ويهودية وبنام عندها بالبيت .. وهو رجع عندي بدو يفوت على البيت وانا ما كنت طايقة اشوفه وحكيت له يروح واعطاني مصاري من الشباك وانا مزعتهم ورميتهم عليه وسكرت الشباك يعني بعد غياب شهر جاي وبدو يعطيني مصاري يا الله نسي اولاده الصغار نسي انه متزوج وانه احنا المفروض نكون متفقين والمفروض ما يشتغل هذا الشغل الوسخ وبالنسبة لليهودية انا مش مهتمة لانه ممكن الكلام كذب وممكن مش كذب لانه كل شيء بصير بس الي بعرفه الان انه بطل الشغل هذا والان هو عند اهله وصار معه مبلغ كبير وحاول انه يرجع بس انا ما بدي لانه تعبت منه والله تعبت وخايفة يكون عن جد خاني مش حابة اعيش حياتي كلها هيك انا اليوم عمري 24 سنة وبحياتي ما شفت معه يوم حلو انا عارفة راح يرجع يعمل وجع براسي هو واهله ويصير يصرخوا هون من شان يخذوني معهم بس انا ما بدي لانه مش متفقين احنا والله حاولت اصبر عليه انا ما حكيت لكم كل مشكلتي معه بس حاولت اختصر وبعرف انه تعبتكم معي بس بدي تنصحوني شو اعمل انا مش حابة اطلق منه ولا حابة ارجع له مش عارفة شو اعمل والله محتارة انا متأكدة راح يحاولوا يرجعونا بس ليش هيك دائما بغيب وبروح وبرجع عمرنا ما كملنا ست اشهر على بعض دائما نبعد عن بعض حتى تلفون ما بتصلوا بهيك وقت يا ريت تساعدوني وشكرا الكم والف شكر لموقع بانيت.

تواجهون في حياتكم مشكلة اسرية ، زوجية ، عاطفية ، اجتماعية او غيرها ؟ تبحثون عن حل ؟ حائرون وبحاجة الى مساعدة ؟ .. يمكنكم ان تطرحوا مشكلتكم ليشارككم في حلها متصفحو موقع بانيت ، من خلال هذه الزاوية - " قلوب حائرة " . كل ما عليكم ان تفعلوه هو ان تبعثوا بمشكلتكم الى العنوان التالي : panet@panet.co.il

لمزيد من مشاكل قلوب حائرة اضغط هنا

ارسل لصديق Send طباعة المقال Print لكتابة تعقيبك على الخبر إضغط هنا
مواد في ذات السياق

 
خدمات بانيت
    حالة الطقس
    ابراج
    قلوب حائرة
    اغاني وموسيقى
    كليبات وفيديو
    صور
    اطفال
    العاب
اذاعة القران الكريم
    بصوت السديس
    بصوت عبد الباسط
زوايا الموقع
    تلفزيون بانيت
    اغاني mp3
    افلام عربية
    العاب فلاش
    عالم السيارات
    حالة الطقس
    ابراج
    مسلسلات عربية
    مسلسلات تركية
    ترفيه ونغاشة
    حفلات تخريج
    شوبينج واقتصاد
    قلوب حائرة
    فن
    رسوم متحركة
    افلام كرتون
    كليبات مضحكة
    صور ومناظر
    استشارة
    البوم صور
    اطفال
موقع اخبارية بالعربية
    صحيفة القدس العربي
    راديو سوا
    CNN بالعربية
    راديو مونتي كارلو
    الشرق الاوسط
    bbc بالعربية
 
Navigation
استطلاع : شو شباب ؟ شو صبايا؟ اين قضيتم اجازة العيد ؟
 مجموع الاصوات

اخبار |  فن |  انترنت وتكنولوجيا |  شباب وبنات |  شوبينج |  برامج تلفزيون |  رياضة |  مقهى بانيت |  دنيا ودين |  كوكتيل |  أغاني mp3 | نسوان

للاعلان - من نحن - اتصل بنا - شروط الاستخدام - פאנט - About us

Contact Us : +972 9 7993993
جميع الحقوق محفوظة - بانوراما