الصورة للتوضيح فقط

والتحرير والكتابة الى زاوية قلوب حائرة حتى افضفض الي بقلبي للزوار ، وكثير بافوت على زاوية قلوب حائرة بس للاسف تعقيبات جارحة لدرجة ريحة دم الحائر بتفوح !!
ولو سمحتوا من غير كلام جارح رح يجي يوم الي انا انت وانتي وهو وهي نطيح بمشاكل ما الها حل ..
مشكلتي كالتالي انا فتاة انهيت سنة تانية وفايتة بالسنة التالتة ، عاهدت نفسي اذا حد اتقدملي اخبر امي ان في شخص بدو اياني من سنين ولليوم معي خبيت عن اهلي لانهم صعبين ومش رح يتقبلوا الامر ولانو من بلد تانية ، الي صار اتقدم شخص معين فكرت انهم بيمزحوا اتماديت معاهم ومن اول مرة قلت ما بدي بس الامر زاد سوء اقول ما بدي لدرجة انهم بدهم يزوجوني اياه غصبن عني ، كانت فترة صعبة جدا جدا اكثر ما ابتتوقعوا 6 اشهر في نفس الموضوع لما في الاخير فلتوا الموضوع لدرجة خنقوني ضربوني اتحسبوا علي كاني عاملة جريمة حتى اجار التعليم ما دفعولي اياه ، الشخص الي بدو اياني اتحمل وكان ناوي يدفع بس انا قلت لا ما بدي ورحت اجيب قرض ووضعي صار اسوأ من ناحية البنك كمان .. باي طريقة بدهم يزوجوني اي شخص ما عدا الشخص الي انا حبيته لاستفساراتهم غير الصحيحة عنه وظلموه .. وبعد ال 6 اشهر طلبني كمان شخص وانا رفضت ومتوقعة ردة فعل اهلي المصيبة ما بدهم الشخص الي انا حبيته بس لاني حبيته ممنوع نتزوج من شخص انت حبيته .. يا ناس مو عارفة شو اعمل حتى لو اتقدم ما بدهم اياه هو جدي واكثر من جدي وحكى مع ابوه بس ما بدهم ما بدهم مش عارفه ليش .
كل يوم بستدعي لربي بس انا مستحيل اعيش مع حد ثاني مش قادرة يا عالم حاولنا ننسى ونبعد بس مو قادرين قمة الظلم .. شو اعمل ؟ ..

تواجهون في حياتكم مشكلة اسرية ، زوجية ، عاطفية ، اجتماعية او غيرها ؟ تبحثون عن حل ؟ حائرون وبحاجة الى مساعدة ؟ .. يمكنكم ان تطرحوا مشكلتكم ليشارككم في حلها متصفحو موقع بانيت ، من خلال هذه الزاوية - " قلوب حائرة " .كل ما عليكم ان تفعلوه هو ان تبعثوا بمشكلتكم الى العنوان التالي :[email protected] .

لمزيد من مشاكل وقلوب حائرة اضغط هنا