الصورة للتوضيح فقط

انا فتاة عمري 24 والحمدلله جميله وانيقه ومأدبه وخلوقه وذات دين وما بنقصني شي والف شكر وحمد لله بس انا من الناس الي ما بحالفهم الحظ.. وانا عمري ١٩ سنه اهلي جوزوني لابن عمي غصب عني وبعد اسبوع ونص صارت مشاكل بيننا وطلبت الطلاق منه.. طبعاً ما وافق بسهولة يطلقني لانه بعده بحبني بس اݩآ ما بدي ياه لانه بيومها ضربني كثير ومد ايدو عليا بوحشيه وانا بصراحه ما بقدر اكمل معو هيك لانه حتى طريقة كلامو واسلوبو غير عنا بالمره مختلف اختلاف كبير اهلي بهاي الحاله وقفوا معي وضلو معي لعند ما خلصنا موضوع الطلاق اسا هو تجوز وعندو ولاد.. المشكله الي اݩآ فيها اغلب الناس وتقريباً الكل ماخد فكره عن البنت الي اطلقت مش منيحه وفكره كثير بذيئه وهاد اكبر غلط للاسف لانو اݩآ شو ذنبي ازا هيك الله كاتبلي وازا هيك نصيبي.. بتقدمولي كثير شباب مناح وطيبين وولاد عالم وناس بس لما يعرفوا بلي صار معي بتراجعوا وما بعرف شو السبب مع اني الحمدلله ما بنقصني شي متعلمه ومتدينه وذات خلق ودين .. اݩآ بصراحه كثير تعبت من هالحاله كثير في بنات بغارن مني ما بعرف ليش بس يشوفوني بحس الحقد والكراهيه بعيونهن وبحكين عني حكي مش مزبوط بسمع من ناس ثانيين اشياء اݩآ ما بعرفها عن حالي.. عنجد اݩآ تعبت كثير والله بكل صلاة بدعي الله يريح بالي من هالشغلة.. اݩا تعذبت كثير لا تفكروا اني بعد الطلاق ارتحت بالعكس انا مريت بظروف كثير صعبه بنات الحرام تدخلو بحياتي ودمروها كثير لدرجة انو اخدوني ع شيخ وحكالي انو معمولي عمل وسحر وتعذبت كثيرة لعند ما شفيت الحمدلله ولليوم ما بقطع فرض وبقرأ قران كل يوم والحمدلله مداومه ع هالشي.. قبل كم اسبوع تقدملي شب بس متجوز ومو كبير بالعمر بس شب كثير متدين وبخاف ربو ومحترم وابن عالم وناس طيعاً انا رافضة فكرة انو اتجوز ع ضرة لانو مو ناقصني شي لاخد واحد متجوز اهلي ضغطوا عليا كثير ولليوم بضغطوا عليا اوافق لانه كثير محترم ومتدين انا بصراحة من كثر الضغط بديت افكر انو لازم اوافق بهاي الفترة وصلني حكي كثير مش منيح ومش مزبوط عني مشان يخربو سمعتي عنجد ما بعرف بشو غلطت معهن انا مشان يعملو هيك.. اليوم وصلني تهديد من بنتو انو ازا بوافق عليه الا اندم وانو انا بلعب بالنار وانا والله ما وافقت عليه ولا حكيت معو .. بصراحه بعد هيك احداث وصلت لوضع انو احكي لحالي بدي اطللع اتعلم واعيش برا وما اتجوز بالمرة كثير تعبانة وربي كثير قلبي تعب وبطلت اتحمل الي بصير معي مش عارفه لي هيك وشو بدهم مني.. اسفه كثير طولت بس عنجد انا كثير تعبانه وبحاجه لمساعده او استشاره او اي شي بريحني ما بعرف شو ممكن يتغير بحياتي.. وشكراً كثير الكم...

נשלח מה-iPhone שלי

تواجهون في حياتكم مشكلة اسرية ، زوجية ، عاطفية ، اجتماعية او غيرها ؟ تبحثون عن حل ؟ حائرون وبحاجة الى مساعدة ؟ .. يمكنكم ان تطرحوا مشكلتكم ليشارككم في حلها متصفحو موقع بانيت ، من خلال هذه الزاوية - " قلوب حائرة " .كل ما عليكم ان تفعلوه هو ان تبعثوا بمشكلتكم الى العنوان التالي :[email protected] .

لمزيد من مشاكل وقلوب حائرة اضغط هنا