الصورة للتوضيح فقط 

ووجهتها الى المعلمين ..
وفيما يلي نص الرسالة التي وصفها العديد من الاهالي "انها معبرة وتحاكي الواقع" ..
" الى كل معلم ومعلمة ضميرها صاحي
أرجوكِ كأم
ما تلبسي للمدرسة أغلى اواعي واكسسوارات
البسي لبسة عملية وبسيطة، والغالي خليه لبعد المدرسة.
انت قدوة بنتي ، وبنتي ما بتركز بالدرس قد ما بتركز بدها تقلد لبستك..
ما تسأل أولادي وين سافروا بالعطلة
لانهم صاروا يضغطوني علشان يجاوبوا على سؤالك ما بدهم ينحرجوا امام اولاد صفهم انهم ما سافروا، وما بفكروا بفائدة السفر، قد الرد عليك بثقة اما الاولاد
انت قدوتهم
اسألهم اي كتاب قرأتوا بالعطلة؟ واحرجهم اذا ما قرأوا ....
ارجوكم
ما تسألوهم منين أواعي العيد
صاروا يحددوا المبلغ والمكان لنفس الاسباب
إسألوهم
ايش استفدتوا من شعائر العيد
ارجوكم
ماتسألوهم
ايش طبخت امكم اليوم في رمضان، لأنهم بطلوا يسألوني أي شي عن رمضان، غير ايش طابخة اليوم؟؟؟
اسالوهم
كم صفحة من القرآن قرأتوا
ارجوكم ساعدوني في تربية اولادي
ما تكونوا انتو والزمن ضدهم
بالذات انتو
انتو قدوة
بنظرهم، انتو أهم ناس بالعالم، واحياناً أهم من أهلهم
رجعولنا هيبة ووقار المعلم
بكفينا ضعنا بزمن قلب الموازين
بلاش يضيع الأمل على الأقل فيكم
حبي لأولادي قتلني
اذا ما بدكم تساعدوني
على الأقل ما تغيرولي فكرهم
أرجوكم ". الى هنا نص الرسالة التي وصلت الى موقع بانيت وصحيفة بانوراما .



لمزيد من الاخبار المحلية اضغط هنا