اغلاق

فتاة 19 عاما: ساعدوني .. اهلي سبب تعاستي !!

اول اشي بشكر موقع بانيت اللي بخلينا نحكي ونفضفض الي بقلبنا، ببلش قصتي انا بنت من المثلث الشمالي عمري 19 سنة، مشكلتي هي معاملة اهلي النا..


صورة للتوضيح فقط تصوير : iStock--tommaso79


انا بنت عندي طموحات واهداف بدي اوصلها، حابة اكمل تعليمي واصير اشي افيد فيه مجتمعي، قدامي كتير احلام وبعرف اني قدها بس المشكلة باهلي انو عم يحرموني من كلشي، لا طلعات ولا روحات ولا جايات، كلشي بهالدنيا ممنوع من وقت ما خلصت الثانوية بطلت اشوف حدا، لا صحباتي ولا قرايبيني ولا اي حدا، باسم العادات والتقاليد عم بدمرولي وبضيعوا مستقبلي، مش عارفة اتقدم بحياتي بتحكموا بكلشي بخصني، مش عارفة اكون شخصية مستقلة، ولا عارفة اسس حالي ولا اكمل تعليم، ذنبي اني انخلقت بنت ببكي بصرخ بتحسر ع حالي عالفاضي، وكل فترة بتقدملي فيها حدا بس طبعا كنت برفض لاني ناوية اتعلم وقدامي مستقبل، بس بوضعي الحالي وصلت لمرحلة تخليت فيها عن كلشي، لا بدي اتعلم ولا بدي اشي بس بدي ارتاح بدي اعيش حياتي زي اي بنت كل همي صار اخلص من اهلي حتى لو بدفع الثمن حياتي ..

تواجهون في حياتكم مشكلة اسرية ، زوجية ، عاطفية ، اجتماعية او غيرها ؟ تبحثون عن حل ؟ حائرون وبحاجة الى مساعدة ؟ .. يمكنكم ان تطرحوا مشكلتكم ليشارككم في حلها متصفحو موقع بانيت ، من خلال هذه الزاوية - " قلوب حائرة " .كل ما عليكم ان تفعلوه هو ان تبعثوا بمشكلتكم الى العنوان التالي :[email protected] .

لمزيد من مشاكل وقلوب حائرة اضغط هنا

لمزيد من قلوب حائرة اضغط هنا
هذه الاعلانات قد تهمك
اغلاق