اغلاق

فتاة: رسالة للشباب والفتيات.. اتقوا الله !

السلام عليكم ورحمة الله وبركاته.. انا بنت عشت بالجنوب وعشت بالشمال...يعني جربت الطرفين ....كتير شفت ناس بحياتي...وتعرفت على عالم اكتر... المهم


صورة للتوضيح فقط - تصوير Martin-Dimitrov-iStock

سمعت كثير هون في بانيت عن قصص كثيرة ومشاكل وبالاخص هون بهاي الزاوية.... بس مش هون المشكلة...
المشكلة اني كثير شفت شباب كل همهم انهم يطبقوا اياتا بنت تزوجوها ما تزوجوها المهم يتسلوا معها... انا ما بحكي هيك من راسي ....انا اكتر اشي شفته هون بالتعقيبات... اول جمله بيحكيها الشب : شو رايك نحكي بغير طريقة ؟؟ تلفون او ايميل؟؟!!
شو انتو بتفكروا البنت لعبة هيك للتسلاية وبس؟؟ وبعدين معكوا؟؟؟!!....
كمان شفت بمواقع التواصل الاجتماعي من هالنوعية همهم الوحيد يطبقوا اياتا بنت... شو ما كانت...
لك شو هاد ؟،! وين العقل اللي عندكو؟، ما فكرتوا بيوم يصير مع اختكوا زي هيك؟؟؟ وبعدين سمعة البنت اهم من كل شي وانت جاي بدك ياها تحكي وتتعلق فيك؟؟ وبعدين تتركها... (هذا اذا ما فضحتها)!!!
لا والمشكلة الاكبر لما البنت توافق لك حتى بتطير من الفرح !! وتربية اهلها راحت طارت تبعثرت تبخرت.... لك حتى ما بتخاف انو يصير معها اشي وتنكشف (ويا ريتو هاد همها )...
المهم شباب اتقوا الله وخافوا ربكو...لانو بالآخرة راح تنسألوا عن كل شي عملتوه بالدنيا.... وهيهات ينفعك الندم....
وانتو بنات...الشب مش كل شي بالحياة ..في عندك مستقبل وحطي راسك بدراستك وتعليمك لانو هاد اللي راح ينفعك بالاخير!! لا الشب بنفعك ولا العلاقات هاي.
ولا تنسوا انتو التنين انو هاي العلاقات محرمة محرمة محرمة !!! وكل واحد بالاخير بيلقى نصيبو!
انا متاكدة انو في شباب وبنات راح يهاجموني هون بالتعقيبات ويحكولي انو كلامك غلط وفي شباب هيك وهيك مو كلن زي بعضهن....
وانا بقول الك انو صح كلامك مش كل الشباب زي بعض بس اللي عنجد زلمة وبخاف على عرضو..هيو باب بيتك مفتوح !! يجي ايمتا ما بدو...مو هيك ينط الك بطريقة مش منيحة... وهون بتبدا المحرمات.... والحكي اللي بلا طعمة....
وعلى كلن الحب حلو وكتيير حلو ...
لك حتى الحب بعد الزواج احلى واحلى بكتييير ...وانتو شو جابركوا تتحملوا هالثقل اللي انتو بغنى عنو؟؟
شباب وصبايا اهتمو لمستقبلكو، لآخرتكو، لدينكو...
لسا انتو شباب عيشو حياتكو بس لا تتعدوا حدود الله والحياه قدامكو طويلة....
بتمنى تكونوا فهمتوني...ودمتم سالمين...

تواجهون في حياتكم مشكلة اسرية ، زوجية ، عاطفية ، اجتماعية او غيرها ؟ تبحثون عن حل ؟ حائرون وبحاجة الى مساعدة ؟ .. يمكنكم ان تطرحوا مشكلتكم ليشارككم في حلها متصفحو موقع بانيت ، من خلال هذه الزاوية - " قلوب حائرة " .كل ما عليكم ان تفعلوه هو ان تبعثوا بمشكلتكم الى العنوان التالي :panet@panet.co.il .

لمزيد من مشاكل وقلوب حائرة اضغط هنا

لمزيد من قلوب حائرة اضغط هنا
هذه الاعلانات قد تهمك
اقرا ايضا في هذا السياق:
اغلاق