اغلاق

سيدة: ماذا أفعل حتى يسامحني زوجي ويعود الي؟ انصحوني

انا فقدت زوجي بغلطاتي الكثيرة معه، اولا احنا متزوجين سرا من ناحيته فقط، ولكن من ناحيتي اصحابي وبعض اقاربي يعرفون بالزواج، وانا حاصرته وكنت ابحث وراه دائما،


صورة للتوضيح فقط - تصوير: iStock-MangoStar_Studio)


وفي يوم راسلت واحدة من صديقاته القدماء، والتي كانت تربطه بها علاقة حب باني زوجته، ومع ذلك سامحني، والمرة الثانية ظنيت انه كذب علي انه باع الهاتف وانا اتصلت باللي باعه له وكلمته وسالته واتاكدت انه باعه، ثالث مرة شكيت فيه انه اخد شي من غير ما اعرف وكلمت واحد من اصحابه علشان اتاكد بطريق غير مباشر من شكي، ولكن صاحبه اتى به هو وواحد من اخوته وواجهني به دون ان يخبرني بذلك، ومع كل هذا سامحني، المرة الرابعة شكيت انه بيعرف واحدة غيري فطلب مني اني اسئلها اذا كان فيه حاجة بينه وبينها، وانا فعلا كلمتها وقولتلها انه زوجي وزعل مني جدا وبعد عني فترة، وفضلت اتحايل عليه يسامحني، وفعلا قالي هسامح بس اخر مرة، ولو اتكررت تاني.. رديت وقولتله انت بتهددني وهو مقبلش كلامي وزعل تاني وبعد عني، وفضلت اتحايل عليه يرجع مش راضي، لدرجة انه رفض يشوفني واصريت ورحت لمكان قريب لبيته وهو غضب مني جدا اني عملت كده، وجاني ومرضيش يكلمني، وفضل يهين فيا لدرجة اني وصلت اني ارد عليه واهينه ومد ايده وانا كمان مديتها عليه من عصبيتي، وسبنا بعض فترة شهرين، حاولت اتاسف كتير وارسل له واكلمه مش راضي خالص، وبيقولي كل ما احن ليكي افتكر انك سرقتيني، وكمان اخر يوم مديتي ايدك عليا، مش عارف اسامح، وفضلت اتحايل عليه وهو يقول كل ما احن ليكي اخاف منك، مع اني والله نفسي يرجع، انا ندمانة على غلطي وعمري ما هكرره تاني وعايزة اثبتله ده، بس ازاي وهو رافض نهائي يرجع ويقولي سيبيني وانسيني خالص، ولو في امل للرجوع هجيلك بس هو خلاص مش قابل حاجة، وسالته انت كرهتني؟ قالي مكرهتكيش بس كرهت السواد اللي عشته معاكي. سالته بعتني. قالي لو هتسمي اللي حصل بينا اني بعت يبقى اوك. سالته اني لسا مراته ولا لانه طلقني 3 مرات على التلفون، وانه عارف ان فيه حل بس هو مش عايز يرجع
وكل ما عيد السؤال عليه اني لسا مراته يقولي مش هرد، وبزن كتير عليه لحد ما يزهق ويقولي انتي لسا زى ما انتي مفيش اي تغيير، بتتكلمي وانا مخنوق ومش عايزة اتكلم.
بس فيه حاجة مهمة، هو لحد دلوقتي يقولى لو سالتيني كتير هعملك حظر ولكنه معمليش حظر من اي حاجة، وده اللي لسا مطمني.
انا مش عارفة ارجعه ليا ازاي واخليه يثق فيا تاني ويعرف اني خلاص اتغيرت ومش هزعله تاني ولا هكرر غلطي تاني!!

تواجهون في حياتكم مشكلة اسرية ، زوجية ، عاطفية ، اجتماعية او غيرها ؟ تبحثون عن حل ؟ حائرون وبحاجة الى مساعدة ؟ .. يمكنكم ان تطرحوا مشكلتكم ليشارككم في حلها متصفحو موقع بانيت ، من خلال هذه الزاوية - " قلوب حائرة " .كل ما عليكم ان تفعلوه هو ان تبعثوا بمشكلتكم الى العنوان التالي :panet@panet.co.il .

لمزيد من مشاكل وقلوب حائرة اضغط هنا

لمزيد من قلوب حائرة اضغط هنا
هذه الاعلانات قد تهمك
اغلاق