اغلاق

ناهد السباعي تتراجع في دفاعها عن ياسمين عبد العزيز

استيقظ الجمهور على نبأ هجوم الفنان وائل عبد العزيز بالحديث على شقيقته النجمة ياسمين عبد العزيز، بسبب علاقتها بالنجم الشاب أحمد العوضي.


صورة نشرتها ناهد السباعي على صفحتها انستغرام، تصوير: بدون كريدت

بعض النجوم استخدموا حساباتهم على الانترنت لمساندة ياسمين عبد العزيز، وأبرزهم كانت النجمة ناهد السباعي، التي نشرت عبر انستقرام صورة تدعو للستر وأرفقتها بالتعليق: أنا عمري ما بنزل صورة دينية عشان محدش يتريق عليا ويشوف بتمثل التدين وكدة، وأنا أصلاً بنت عادية جدًا بدعي ربنا يكرهني في المعصية".
وتابعت السباعي: "بس بجد مش قادرة أمسك نفسي يا جماعة أرجوكم أرجوكم بالذات الرجالة بلاش تكلم على أسرار بيوت الناس وعرضهم وحالهم وشرفهم وعيوبهم ومشاكلهم عشان ده ذنب أكبر من التنمر اللي ترند اليومين دول".
وأضافت: "اللهم استر عوراتنا وآمن روعاتنا لنا ولكم جميعًا يارب، محدش يكتب اسم حد لو سمحتم ف الكومنتس عشان حرام برضه ده موضوع بتاعي أنا، وأحب اقول لصحابي اللي عملوا فيا كده جتكم الأرف بجد بجد انتوا الاتنين جتكم الأرف كنت فكراكم أخويا وصاحبي ؟؟!!!".
يبدو أنّ ما كتبته ناهد السباعي، اثار التعليقات من جمهورها ليسألونها عمن خدعوها في أزمتها، وتوالت تعليقات كثيرة من قبل المتابعين، حول ما كتبته في أزمة ياسمين عبدالعزيز وشقيقها، ومع ازدياد التعليقات حذفت ناهد السباعي الصورة التي أيّدت فيها ياسمين دون إبداء أيّة أسباب.
وكان شقيق ياسمين عبد العزيز قد نشر رسالة عبر الانترنت قائلاً: «بصي يا ياسمين عبد العزيز يا أختي، أنا معاكي وفي ضهرك من وأنتي صغيرة ‏شيلت مشاكل كتير بسببك من وأنتي عيلة صغيرة بداية من مشاكلك مع الشاعر وبرادة وأنتي عارفة إن أنا اتأذيت فيها إزاي وقضية ‏الشغالات مؤخراً غير قضية الضرب اللي كانت بينك وبين بنت هشام سليم الممثل اللي لبستيها التورتة في وشها».‏
واستكمل: «ووقفت جمبك بكل ما أملك من قوة أدافع عنك في كل موقف صعب مرّ عليكي ونسيت حياتي ونفسي عشانك وبقي كل همي أنا ‏‏ووالدتك إنك تكبري وتبقي نجمة في مجالك، سيبنالك اختياراتك كلها لنفسك ووافقنا لك على معظم قراراتك وكنت الوحيد اللي ‏ساندتك ووقفت جنبك في طلاقك».‏ وأضاف وائل عبد العزيز: «لكن هنهرتل وتروحي تعرفي واحد أصغر منك بـ10 سنين لا من سنك وتتصوري صور مالهاش أي ‏لازمة على حساب سمعتك وسمعتنا لا ومحدش هيسمح، من إمتى وإحنا بنعمل أعياد ميلاد وتنزل على السوشيال ميديا، من إمتى ‏الناس بتجيب في سيرتنا!؟ ونقعد نتعاكس على السوشيال ميديا».‏
وتابع: «ومع ذلك حياتك وأنتي حرة فيها، أنا هتكلم على الشق اللي يخصني، أنتي مقاطعة كل العيلة عشان تعملي اللي على مزاجك... ‏إحنا دلوقتي عايزين نفهم العلاقة دي إيه ورايحة على فين».‏ واستطرد شقيق عبد العزيز: «أما بالنسبة للأخ اللي ماشي وراكي في كل حتة وشايفك البيضة الدهب اللي هتفقسله كل يوم، أحب ‏أقولك يا راجل لما تيجي تدخل بيت تدخله من بابه يا راجل!! وتقعد مع رجالة البيت!!... دي الأصول وده الاحترام... وطبعا لأنك ‏عارف إنك مرفوض رفضا باتا فعمرك ما هتعمل ده ومعندكش غير طريق الشمال اللي أنت سالكه من سنين مع بنات الناس».‏
واختتم وائل عبد العزيز، رسالته في إشارة للعوضي: «أنا من رأيي كفاية عليك البطولة اللي أخدتها والعربية المرسيدس الهدية... وتركز في شغلك وتسيبنا في حالنا ‏لأن طول عمرنا في حالنا ومحدش سامع عننا حاجة وملوش لازمة جو الصور والمعاكسات ده وأنا مبخفش من تهديد حد».
من بعدها قرر كل من العوضي وياسمين إعلان حبهما لبعضهما، عبر حساباتهما ليكشفا للجميع علاقتهما التي أخفاها الثنائي عن الجمهور.
الجدير بالذكر العوضي وياسمين عبد العزيز شاركا سوياً في بطولة مسلسل «لآخر نفس» الذي عُرض خلال شهر رمضان 2019، أمام ‏فتحي عبد الوهاب، وأحمد صلاح حسني، وتأليف عبد الله حسن، وإخراج حسام علي‎.‎


صورة نشرتها ناهد السباعي على صفحتها انستغرام، تصوير: بدون كريدت


صورة نشرتها ناهد السباعي على صفحتها انستغرام، تصوير: احمد حداد

 
صورة نشرتها ناهد السباعي على صفحتها انستغرام

لمزيد من فن من العالم العربي اضغط هنا
هذه الاعلانات قد تهمك
فن من العالم العربي
اغلاق