اغلاق

عضوة الكنيست إيمان خطيب ياسين: ‘دخلت البرلمان إيمانًا بالدور المؤثر والفاعل للمرأة العربية‘

قالت عضوة الكنيست من القائمة العربية الموحدة : "دخلت البرلمان إيمانًا بالدور المؤثر والفاعل للمرأة العربية، وحتى أرفع صوت كل امرأة عربية، كل امرأة بدها تقول شو عندها،
عضوة الكنيست إيمان خطيب ياسين: ‘دخلت البرلمان إيمانًا بالدور المؤثر والفاعل للمرأة العربية‘ - تصوير: القائمة العربية الموحدة
Loading the player...

وكل امرأة بتعتزّ بحجابها وبثوابتها".
واضافت خطيب ياسين في فيديو للقائمة العربية الموحدة: "دخلت البرلمان لاني بآمن انه المرأة لازم يكون الها دور فاعل ومؤثر في مجتمعنا. انا دخلت البرلمان قبل اقل من عام حتى ارفع صوت كل امرأة عربية ، كل امرأة بدها تقول شو عندها ، كل امرأة تعتز بحجابها وبدينها وبثوابتها . انا جاي من العمل الاجتماعي وعايشة هموم شعبي ومجتمعي ، وبآمن انه مجتمعنا لازم يكون وضعه افضل من هيك . كل طالب جامعي بتوجه الي بحس انه هذا ابني اللي بده مساعدة . الشباب اللي خايفين من العنف في الشارع هني اولادي واخوتي ، بشعر اني بخدم الكل وكأنه كل المجتمع هو عيلتي الكبيرة. دخلت البرلمان لاني بآمن انه المرأة لازم يكون الها دور فاعل ومؤثر في مجتمعنا. واحنا هيك في القائمة العربية الموحدة . بدنا نكون جزء من صناعة القرار ، بدنا نأثر، بدنا نعالج مشاكل مجتمعنا ونحسن اوضاعه باسلوب واقعي وعقلاني ، وما نكتفي بالخطابات والشعارات ، وبدون ما نتنازل عن ثوابتنا ، وكلي ايمان انه واقعنا رح يكون افضل ان شاء الله".


استعمال المضامين بموجب بند 27 أ لقانون الحقوق الأدبية لسنة 2007، يرجى ارسال ملاحظات لـ panet@panet.co.il

لمزيد من اخبار محلية اضغط هنا
هذه الاعلانات قد تهمك
اخبار محلية
اغلاق