اغلاق

فتاة 24 عامًا: نصيحة لمن يدخل زواية قلوب حائرة!!

السلام عليكم اخواني واخواتي، انا فتاة ابلغ من العمر 24 سنة من الشمال، حابة انصحكم على كثير اشياء ورجاء بدون استهزاء، راح احكيلكم انه الدنيا ما بتستاهل انه نفكر فيها، مثلًا الواحد لماذا يقعد يخطط


الصورة للتوضيح فقط

لقدام وانه بدو يعمل وهيك والله على الفاضي ما حد رح يتخلد بهذه الدنيا، فعلى شان هيك كل واحد عم يعمل شيء غلط يتوب الى الله قبل ما تيجي ساعته، لانه الواحد ما بعرف وينتى رح يموت، الموت بغتة، هو صح الواحد بحب انه يعيش وينبسط بحياته ويخطط لاشياء رح يعملها، بس الموت حق، ما حد رح يكمل حياته، تخيلوا يا اخواني واخواتي انه حد منكم يكون على معصية ويجي ملك الموت ويقبض روحه، ساعتها رح تخسروا كثير، على شان هيك يا اخواني ليه ما تموتوا على طاعة الله وتكونوا مرتاحين وربنا يكون راضي عنكم، رجاءً اصحوا على حالكم، لانه في سكرة موت وعذاب قبر وعذاب اخرة، تخيلوا ما اصعب القبر وكيف الواحد رح يندفن تحت التراب وايش رح يصير فيه، يا الله شباب صبايا انا بترجاكم توبوا الى الله، لانه احتمال الواحد بأي دقيقة يموت، لانه ملك الموت كل يوم بزوركم، على شان يقبض ارواحكم، بس بدو امر من الله، مثلًا انا دايما خايفة وعم احسب كثير حساب للموت وكيف رح يدفنوني وكيف رح أصير وحيدة، انا الي كثير طموحات بهذه الحياة، بس لمن اتذكر انه بأي لحظة رح يجيني ملك الموت ويقبض روحي، خلص ما بفكر ما بضللي نفس اعمل شيء، لاني بس اتذكر الموت بيأس وببطل اعمل شيء، هو صح غلط الي بعمله انه مش لازم افكر هيك، بس مو بايدي، انا عم يخرب معي كل شيء بسبب تفكيري بالموت كثير، بتمنى انه الكل يبدأ بالصلاة وما يترك طاعة الله، وشكرا واسفة على الاطالة وشكرا كثير لادارة موقع بانيت.

تواجهون في حياتكم مشكلة اسرية ، زوجية ، عاطفية ، اجتماعية او غيرها ؟ تبحثون عن حل ؟ حائرون وبحاجة الى مساعدة ؟ .. يمكنكم ان تطرحوا مشكلتكم ليشارككم في حلها متصفحو موقع بانيت ، من خلال هذه الزاوية - " قلوب حائرة " .كل ما عليكم ان تفعلوه هو ان تبعثوا بمشكلتكم الى العنوان التالي :[email protected] .

لمزيد من مشاكل وقلوب حائرة اضغط هنا


استعمال المضامين بموجب بند 27 أ لقانون الحقوق الأدبية لسنة 2007، يرجى ارسال ملاحظات لـ [email protected]

لمزيد من قلوب حائرة اضغط هنا
هذه الاعلانات قد تهمك
قلوب حائرة
اغلاق