اغلاق

ابنة المثلث الشمالي: خائن هي الكلمة المرادفة لكل الرجال

السلام عليكم يا زوار موقع بانيت، بدايةً اود ان اشكر طاقم الموقع والعاملين فيها، في الحقيقه انا صبيه عمري 25 من قرى المثلث الشمالي انا، واعوذ من كلمة انا الحمدلله،


الصورة للتوضيح فقط

مش ناقصني اشي بديش احمد بحالي بس انا بنت متدينه وبصلي والحمدلله مش ناقصني جمال واداب واخلاق وانا لحد هسا بكافح بهالحياة اشتغلت واتعلمت بعدة مجالات من التعليم وعدة كليات والحمدلله بس عندي شغله كثير بتعب منها، انو قلبي طيب وبشعر بلناس وبساعدهم ونيتي طيبه زياده عن اللزوم، لدرجه خلتني اصدق حكي شب اتعرفت عليه عن طريق النت، انا مكنتش حاطه براسي او بالاحرى بوثقش بحدا  وبامنش لحدا، بس بعرفش كيف  اوثقت فيه صار يحكيلي عن حياتو   اتعرفت عليه اكثر بكثير من ما لازم قربني الو كثير  وبيوم طلب رقمي، بلبدايه رفضت بس بعد ما بلشت احبو وانجذبتلو حسيت انو بدي تتطور لاكثر من هيك، بنيت احلامي معو ورسمت خيالات كثيره اتمنيتو يكون شريك حياتي لانو كان يذكرني بربي وكل ما يأذن يحكيلي قومي صلي وبنرجع نحكي، وهادا الاشي الي خلاني  ازداد حب واعجاب،  بعد ما تعودت عليه بيوم قلي انو لازم نبعد لانو ابو بدوش يجوزو لوحده غريبه بعرفش اشي عنها وابو طبعا عندو بديله بنت عمو قلي، صارت مشاكل وصلت للطلاق وعندها طبعا ولاد، ابو اصر انو يجوزو اياها هوي على رايو انو زعل وبدوش اياها بدو اياني بس القدر بدوش يجمعنا وصدقتو، المهم بلنهايه افترقنا وكلنا كل اشي قسمة ونصيب شو بطلع بايد البنت غير انو تسكت وتتوجع وتبكي وتتحمل  وبعد شهر مقدرش يتحمل وبعثلي صوره وكاتبلي فيها انو اشتقلي، انا اتفاجئت وما استوعبت معرفتش شو اساوي وبعدها صار يقلي اشتقتلك وبعرفش اقعد بدونك ومن هالحكي بعرفش يمكن بستنا في لحتى يحكي هيك وعشان اسامحو وارجعلو ويمكن عشني بحبو كنت استدعيلو بصلاتي وكنت احكي لربي عنو بس يمكن ربي ما رضي بهاي العلاقه وصارت مشاكلنا تزداد وبلشت انا استوعب انو مش الي ومش مكتوبلي ولما كان يحكي معي صرت احسو زي الغريب عني انسان بعرفوش .

وبعدها افترقنا وبعد مده من الزمن وبحياتي ما تخيلت  او فكرت باني رح اسال عنو لانو كثير اسمعت قصص باني بضحكو على البنات وهيك وصار عندي فضول اعرف سالت وبحبشت تا عرفت الحقيقه،   والصراحة انصدمت كثير انو اسمو مش اسمو الحقيقي ولا عيلتو وحتى هوي متجوز وعندو ولاد، والاحلام الي بنيتها معو اتحطمت، ما توقعت من هذا الانسان انو يخدعني ويضحك علي،  انا كثير انجرحت منو ومن تصرفو، لو حكالي انو متجوز ومرتو مقصره فيه بتفهم  بس اكيد ما رح اقبل اكون مره ثانيه بحياتو، بس انو حكالي انو عزابي وبدور على عروس وبدو اياني فهاي كثير عزت عليه وعلى العلم مرتو بتحبو  ومنيحه كثير معو ومتعلمه وفهمانه وعايشين احلى عيشه.

بس بدي احكيلو انو مش رح اسامحك لو بتركعلي  ميت مره لو تطلب الغفران مليون مره ما رح اقدر اسامحك كلشي بقدر اغفر عليه الا الخيانه والكذب وانا حكيتلو هاد الاشي بس يبدو انو مفهمش.
الجرح الي جرحني اياه  ياساني من الحياه كثير وصرت عصبيه وعدت نفسي انو ولا حدا بستاهل قلبي وحياتي  وحرمت اخطب واتجوز بسببو،  مع العلم من بعدو اجاني كثير عرسان وانا رفضت لانو تخيلت كل الزلام هيك كلهم خاينين وكذابين ولو تجوزت رح يدور على غيري حتى لو ما قصرت معو، انا بصراحه حساسه كثير من هاي الاشياء،  هادا الاحساس صعب كثير وموجع كثير  كثير وصلبني حالة احباط شديده  كيف يا ربي بدي اخلي الجرح يطيب  كيف بدي انساه وكيف بدي اتحمل هالوجع كلو وكيف وكيف... انا قلبي موجوع  فكرت اكثير انو اتوجه لمرتو واخبرها بلحقيقه وعشان تهتم فيه وما تخلي يشوف غيرها بس قلت حرام شو ذنبها ويمكن اخرب بيتو ويصير طلاق من تحت راسي وانا بديش هيك فوكلت امري لربي والله بوخد حقي والله بنساش حدا وكما تدين تدان وبدي احاول قد ما بقدر انسا بس صعب صعب صعب متاسفه لانو طولت عليكم بس بتمنى كل بنت تعتبر من قصتي وما تخلي ولا مخلوق يضحك عليكي حتى لو بينلك انو مدين وبصلي وعامل حالو شيخ ومتمشيخ كلهم من نفس الطينه فش حدا احسن من حدا  .
  والسلام ختام وارجو منكم النشر وشكرا

تواجهون في حياتكم مشكلة اسرية ، زوجية ، عاطفية ، اجتماعية او غيرها ؟ تبحثون عن حل ؟ حائرون وبحاجة الى مساعدة ؟ .. يمكنكم ان تطرحوا مشكلتكم ليشارككم في حلها متصفحو موقع بانيت ، من خلال هذه الزاوية - " قلوب حائرة " .كل ما عليكم ان تفعلوه هو ان تبعثوا بمشكلتكم الى العنوان التالي :[email protected] .

لمزيد من مشاكل وقلوب حائرة اضغط هنا


استعمال المضامين بموجب بند 27 أ لقانون الحقوق الأدبية لسنة 2007، يرجى ارسال ملاحظات لـ [email protected]

لمزيد من قلوب حائرة اضغط هنا
هذه الاعلانات قد تهمك
قلوب حائرة
اغلاق