اغلاق

رسالة الى ابي: كما تدين تدان وحرام زواجك من سبعة!

مش عارفة من وين ابدا، صراحة رح احكي يمكن حد ينتقدني و يمكن حد يوقف معي، ما بعرف و مهما احكي ما رح اوصل نص الي جواتي،انا بخاف كتير من المستقبل، عندي اب


الصورة للتوضيح فقط

عمري ما حسيت بحنانو،  و مقصر فينا كتير، طول عمرو ما بهتم فينا و كل عقلو بالشغل و النسوان،  حتى مصروف بطلوع الروح بعطي امي، معاه مصاري بس ما بهتم بالبيت، يعني البيت عند امي طقم صالون، ما في زي الناس ولا شي منيح بالبيت، بالاخر الحمدلله بس المشكلة مش هون.
المشكلة انو بتجوز كتير و كل ما يتزوج وحدة بقعد معها شهر شهرين و بطلقها يعني كانو بمل منها و خلص ما بدو اياها .... طيب والله حرام بنات الناس مش لعبة بايدو، يمكن صار متزوج فوق 7 نسوان، امي هي الوحيدة الي بقيت معو، مع العلم انو عندي اخو ع وش جيزة و مو قابل يزوجون ... شو ذنب بنات الناس عشان يعمل فيهم هيك، والله حرام طيب ما بخاف ع بناتو، ع اهل دارو انو يصير فيهم هيك ... وعندي اخ بحكي مع 10 بنات بنفس الوقت وهاد الشي مدايقني كتير، بخاف انو ربنا يعاقبهم فينا، انا وخواتي البنات احنا كلنا متزوجات، بس ولا وحدة فينا مرتاحة بجوازتها، كل وحدة حظها اسخم من التانية، كانو ربنا بعاقبنا بسببهم ... الدنيا دوارة و كما تدين تدان، خاف ع بنات الناس كانهم خواتك، لانو الي بتعملو بغيرك بنعمل فيك . و انا دايما بدعي الله انو ما يعاقبنا انا و خواتي ع افعالهم .

تواجهون في حياتكم مشكلة اسرية ، زوجية ، عاطفية ، اجتماعية او غيرها ؟ تبحثون عن حل ؟ حائرون وبحاجة الى مساعدة ؟ .. يمكنكم ان تطرحوا مشكلتكم ليشارككم في حلها متصفحو موقع بانيت ، من خلال هذه الزاوية - " قلوب حائرة " .كل ما عليكم ان تفعلوه هو ان تبعثوا بمشكلتكم الى العنوان التالي :panet@panet.co.il .

لمزيد من مشاكل وقلوب حائرة اضغط هنا

لمزيد من قلوب حائرة اضغط هنا
هذه الاعلانات قد تهمك
قلوب حائرة
اغلاق